八達嶺（粵拼：baat3 daat6 leng5）係中國北京西北邊一座山，喺延慶區八達嶺鎮（離北京市區有56km遠），高1015米，附近係萬里長城嘅居庸關。屬下嘅長城入口喺216省道嘅K66+840標記位。
佢係中國大陸開放得最早嘅長城，亦係明長城部份保護得最好兼最巴閉一橛。佢嘅關隘喺1504年起好，期間一直攞嚟做防敵用途，直到1953年先至對外向賓客開放。1961年被列入中華人民共和國第一批國家級文物；1982年重列入咗國家級重點風景名勝區；1991年俾聯合國教科文組織頒發咗人類文化遺產證書。喺2002年俾健力士世界紀錄大全列做「世界上接待遊客最多嘅景區」同埋「接待國家級元首最多嘅長城景區」；2007年重列埋入世界新七大奇跡之一同埋中國國家AAAAA級景區。
 八達嶺長城一部份（行嘉峪關嗰邊） | 八達嶺長城一部份（行嘉峪關嗰邊） |
 毛澤東寫嘅「不到長城非好漢」字樣紀念碑 | 毛澤東寫嘅「不到長城非好漢」字樣紀念碑 |
 鄧小平寫嘅「愛我中華，修我長城。」字樣紀念碑 | 鄧小平寫嘅「愛我中華，修我長城。」字樣紀念碑 |
|
飛同開放時間[編輯]
- 飛
- 全票￥40（旺季）；￥35（淡季）
- 半票￥20（旺季）；￥17.5（淡季）：學生（要有學生證，成教嘅唔算數）／年紀≥60（要有老人證）／6＜年紀≤18嘅細路（要有身份證）／享受咗社會保障金啲公民（要有領取證，限中國大陸公民）
- 免票：殘疾人（要有殘疾證）／身高≤1.2m嘅細路／年紀≤6嘅細路（要有出世紙）／年紀≥65（要有北京當地嘅老人證）／年紀≥70（要有中國大陸除北京當地外嘅老人證）／退休人員（要有中華人民共和國退休證）／現役軍人（要有軍官證）
- 開放時間
- 每年4～10月：每日06:30～19:00
- 每年11月～第二年3月：每日07:00～18:00
- 喺長城頂入面，即使當日營業時間結束兼即將閂門時，啲工作人員唔會趕鴨噉趕旅客走。
前後關隘[編輯]
中國北京延慶區八達嶺鎮
.jpg)
