康有爲

出自維基百科,自由嘅百科全書
(由康有為跳轉過嚟)
康有爲
出生日1858年3月19號 喺Wikidata改呢個
出生地南海區 喺Wikidata改呢個
本名康有為
死亡日1927年3月31號、1927年2月28號 喺Wikidata改呢個 (69歲)
死亡地青島 喺Wikidata改呢個
國籍中華民國大清 喺Wikidata改呢個
識嘅語言文言文、Old Mandarin 喺Wikidata改呢個
信奉儒家 喺Wikidata改呢個
學位進士 喺Wikidata改呢個
職業作家新聞從業員哲學家政治人 喺Wikidata改呢個
風格treatise 喺Wikidata改呢個
政黨中國國民黨 喺Wikidata改呢個
仔女Kang Tongbi 喺Wikidata改呢個
兄弟姊妹Kang Youpu 喺Wikidata改呢個

康有爲粵拼hong1 jau5 wai41858年3月19號1927年3月31號),原名康祖詒,字廣廈,號長素,又號明夷更生西樵山人游存叟天游化人大清中華民國人。因爲佢出自廣東南海,人稱康南海。康氏係中國政治人物,思想家,教育家,光緒廿一年(1895年)進士,同埋佢嘅徒弟梁啓超一齊合作戊戌變法,事敗出逃,流亡世界各國。

佢信奉孔子儒家學說,並致力改造儒家學說,適應現代社會嘅國教。

屋企[編輯]

康有爲丹灶蘇村出生,生自官宦世家,阿爺康贊修道光舉人,老豆康達初做過江西補用知縣

生平[編輯]

早年[編輯]

康有爲出自細學儒家,拜名儒朱九江為師,朱氏當年嶺南好出名。清光緒五年,卽一八七九年,康有爲讀咗李圭嘅《環球地球新錄》等書之後,去咗香港一遊,見西方文化,感觸良多。光緒八年,卽一八八二年,康有參加順天鄉試,到咗北京,但考唔到。南歸時,途經上海,買咗好多西方書籍,吸收西方傳來嘅進化論同埋政治觀點,初步形成維新變法思想初成。光緒十四年,卽一八八八年,康有為再次順天鄉試,去到北京,借機上書光緒帝,請求變法,受阻未上達。光緒十七年,卽一八九一年及之後,佢喺廣州設立萬木草堂,收徒講學,弟子有梁啓超陳千秋等人。

中年[編輯]

光緒廿一年,卽一八九五年,康有出參加乙未科會試,逗留京師,得知《馬關條約》簽訂後,松筠庵聯合千三舉人,上萬言書,卽係公車上書,不過冇上達。當年五月底,佢第三次上書,得到光緒讚許。但係,唔少學者睇來,康有為政治宣傳以及回憶,好似《康南海自訂年譜》,佢好多唔合事實,好多吹水。而茅海建等唔少嘅學者就根據許多文獻,認為康有為所謂嘅組織舉人聯名上書,實際上就係一次流產嘅政治事件,但康有為派系,不斷塗脂抹粉,篡改歷史,依啲好多歷史學家所受。公車上書,實質就係由翁同龢李鴻藻汪鳴鑾等京城高官發動,目的係阻簽《馬關條約》。冇幾耐,康有為會試中得第五,榜名康祖詒。殿試之後,位列二甲第四十六名,賜進士出身,用工部主事。七月,佢同埋梁啓超創辦《中外紀聞》,冇幾耐就喺京師組織強學會。光緒二十三年,一八九七年,德國佔領膠州灣,康有為再次上書,請求變法。次年一月,光緒皇帝下令康有為條陳變法意見,佢呈上《應詔統籌全局折》,跟住又進呈所著《日本明治變政考》、《俄羅斯大彼得變政記》二書。四月,佢同埋梁啓超組織保國會,號召救國圖強。六月十六,光緒帝喺頤和園勤政殿,召見康有為,任命佢做總理衙門章京,准佢專折奏事,籌備變法事宜,史稱戊戌變法。後因慈禧太后干預,維新運動失敗,其具體細節,依家重有大爭議。

變法失敗[編輯]

變法失敗後,光緒皇帝遭軟禁,康有為細佬康廣仁被殺,康有為喺李提摩太牧師協助下,坐重慶號到上海海面,再由英國領事館職員,協助喺上海海面轉船到香港,再由香港逃往加拿大,佢自稱持有皇帝嘅衣帶詔,喺光緒廿五年六月十三,卽一八九九年七月二十號組織保皇會,又名中國維新會。為咗得國際支持,佢週遊列國,會見歐洲各國君主。一九〇〇年,曾參與自立軍起義。

民國以後[編輯]

辛亥革命之後,康有為喺一九一三年回國,定居上海辛家花園,主編《不忍》雜誌,宣揚尊孔復辟。身為保皇黨領袖,佢反對共和制,一直謀劃清廢帝溥儀復位。一九一七年六月廿八號,康有為喺天津秘密入京,同效忠前清嘅北洋軍閥張勳,一齊發動復辟,擁立溥儀登基,好快就喺北洋政府總理段祺瑞討伐下宣告失敗。

一九二一年,遷居愚園路遊存廬,一九二三年遷居青島,今青島有康有為故居。康有為晚年,始終忠於大清皇帝,一九二四年,溥儀畀馮玉祥逐出紫禁城,佢曾親往天津,到溥儀所住嘅張園覲見探望。

逝世[編輯]

一九二七年三月十八號,康有爲避北伐戰亂,由上海出發抵達青島。三月廿九號,參加同鄉宴,宴後嘔吐,七竅流血猝死,卅一號凌晨五點卅分去世,日本醫生驗屍,稱食物中毒。事後葬喺青島。辭世後遺體曾暫厝李村棗兒山,一九四八年,正式安葬青島,翌年十月,舉行康有為遷葬同墓碑揭幕儀式。

掘墓[編輯]

文革期間,康曾被視為系「中國歷史上最大嘅保皇派」。一九六六年八月,其墓地俾紅衛兵掘開,屍骨俾造反派鞭屍,白髮顱骨,遊街示眾,後來康有為顱骨,畀市博物館王集欽研究員,以「造反有理」實物展覽為名,收入館中藏匿,康有為墓中,先至有先生一點屍骨。一九八五年十二月廿七號,再遷墓到嶗山區中韓鎮大麥島村北浮山南麓現址(依家青島大學之北)並立碑,依家係山東省文物保護單位。