辛亥革命

出自維基百科,自由嘅百科全書
跳去: 定向搵嘢
武昌起義第二日建立嘅中華民國軍政府舊址,而家係辛亥革命博物館

辛亥革命係指一場發生響1911年,為咗取代清朝嘅統治,建立共和政體嘅事件。辛亥革命成功取代咗清朝嘅統治,並開啟咗民主共和新紀元。因為響中國農曆干支紀年法中,1911年係辛亥年,所以就叫做辛亥革命。辛亥革命嘅口號係「驅逐韃虜,恢復中華,建立民國,平均地權」。而辛亥革命通常指嘅時期係由1911年10月10號晚爆發嘅武昌起義,直到1912年1月1號孫中山就職中華民國臨時大總統呢一段時間。