袁世凱

出自維基百科,自由嘅百科全書
跳去: 定向搵嘢
袁世凱

袁世凱1859年9月16號1916年6月6號),字慰亭,號容庵中國河南項城人,清朝末期至中華民國初期嘅軍事同政治人物。佢做過清政府內閣總理大臣中華民國臨時大總統;1916年元旦自封為中華帝國皇帝,改元洪憲,後來護國軍喺護法之役中大勝,袁世凱喺1916年3月宣佈撤銷帝制,之後羞憤而死。

生平[編輯]

袁世凱喺1859年河南省項城出世,後生嗰時曾經考過科舉,但係落第,之後佢參軍,曾經參與過甲午戰爭等等嘅戰事,獲得李鴻章賞識,之後主力負責訓練軍隊。

1900年義和團事件之後,袁世凱俾中央升職,成為中樞大臣。佢主張廢除科舉、成立新軍隊、起學校、起工廠等等,而中國第一支警察隊伍,亦係喺袁世凱督導之下成立。1908年光緒慈禧太后過咗身,溥儀做咗皇帝,由醇親王攝政。醇親王一向同袁世凱有牙齒印,袁世凱先至返番到河南個老家。

1911年辛亥革命爆發,滿清王朝沒落,袁世凱乘機上位,做埋內閣總理大臣。佢後來代表清朝孫中山講和,最後又係佢喺1912年迫溥儀退位。袁世凱無耐重做埋中華民國大總統。1916年佢自立為皇帝,但做咗83日後,佢響各方壓力底下撤銷帝制,無耐佢重因為糖尿病死埋。

評論[編輯]

傳統上中國人都對袁世凱冇咩好感,尤其係佢自立為皇帝,就係俾中國人閙得最犀利嘅地方。之但係佢主張廢除科舉、成立新軍隊、起學校、起工廠,重組織咗中國第一支警察隊,亦都反映出袁世凱好有見識,才幹超卓。

出面網頁[編輯]