甲午戰爭

出自維基百科,自由嘅百科全書
跳去: 定向搵嘢

甲午戰爭(又叫中日甲午戰爭第一次中日戰爭清日戰爭清日甲午戰爭中日黃海大戰日本日清戰爭),係發生喺1894年(大清光緒二十年)嘅一場,由於呢年個干支係甲午,所以叫「甲午戰爭」。

呢場仗係由於大清同日本之間,為咗爭奪朝鮮半島控制權嘅同時,日本入侵大清而爆發,最後滿清政府戰敗,清政府被逼要簽署《馬關條約》,割讓臺灣澎湖同附屬畀日本。

起因[編輯]

清國軍艦神符—媽祖

十九世紀中後期,俄羅斯中國東北同埋朝鮮半島開始擴張勢力嘅行動。呢個時候,正進行緊明治維新嘅日本驚俄羅斯嘅擴張行動會影響到佢哋嘅發展空間。

1875年(大日本帝國明治八年,大清朝光緒元年),朝鮮國王李熙因為年紀重細,所以由佢爸爸李昰應攝政,即係大院君。由於佢排外,所以落咗一道命令,邊個同日本人交涉嘅話,邊個就要處死。

同一年,一艘叫雲揚號嘅日本軍艦航行去朝鮮江華島附近進行勘測工作。由於當時嘅反日氣氛,所以江華島上面嘅守軍就向雲揚號開火。但由於雲揚號全力反擊,江華島炮台因此畀日本人摧毀。之後,日軍更加登陸佔領永宗城。

呢次衝突後,朝鮮被迫同日本喺江華島上簽訂一條不平等條約,即係江華島條約。條約中列明,朝鮮政府必須畀日本人擁有貿易特權;同時,朝鮮同埋日本要互相承認對方係獨立國家。因為呢個條約,朝鮮逐步走入成為日本殖民地嘅道路。

呢件事過後,朝鮮政府內部嘅保守派同維新派出現爭論。保守派人認為,朝鮮最好保持以往「事大交小」嘅外交方式,即係繼續承認大清帝國係朝鮮嘅宗主國。但係維新派人就認為,大清帝國喺呢十幾年裏面,連自己嘅國土都保唔住,經常畀外國列強入侵割地,所以大清帝國已經唔再可靠。朝鮮而家應該同西方列強建交,靠外國人嘅力量嚟發展朝鮮同埋抵抗日本。

參考[編輯]