儒家

出自維基百科,自由嘅百科全書
跳去: 定向搵嘢

儒家(Confucianism)係一種哲學思想體系,由孔子提出,亦有以呢種哲學做類宗敎,叫儒敎或者孔敎。個哲學涉及政治道德社會。喺東亞各國好有影響力。

歷史[編輯]

儒家嘅歷史可以追溯到春秋時代,由孔子創立。孔子以前曾經做過官,研究出一套理論向各國推銷,之但係唔成功。後來戰國時代,孟子又將儒家改良,再成為新一套理論去推銷,結果一樣冇人理。

儒家喺漢朝之前並唔受到重視,直到漢武帝「罷黜百家,獨尊儒術」,儒家就成為中國學術思想嘅重心。

學說[編輯]

儒家嘅內容基本上就係一個道德觀念嘅大雜燴。佢嘅核心思想係「仁」,即係做人要仁慈。孟子話「無惻隱之心,非人也」,就係主張人天生就係善良嘅。因為人天生善良,君王只需要發揮仁慈嘅心,就可以治國平天下。

儒家另外一個主張就係「復古」,即係要返番到舊陣時。孔子成日都強調「克己復禮為仁」,本意就係走返遠古時代嘅規範。

代表人物[編輯]