增城

乾隆時，增城縣喺省城東便，歸廣州府

增城喺中國廣東，家下係廣州市嘅縣級市，叫增城市。原本佢係縣來，叫增城縣。

增城響省城東便。

名

增城個名，有幾個傳說。《元和郡縣志》講，昆侖山上有閬鳳、增城，蓋取其美名。《太平寰宇記》講，因增江爲名。而《增城縣志》有話，南海郡前統縣六，今增爲七，故名增城。

地理

山

增城西便有雲母山，西南有南樵山，東北有羅浮山。

水

東江由博羅入增城，向西行，跟住屈向南，去到番禺同珠江匯合。增江上流係龍門水，南流同派潭水合，再南行到三江口，右納澄溪水，左納九曲水，再向東南，分流東江。另有綏福水出自西北青幽山，亦都東南入東江。

史

漢建安六年置增城縣，縣城喺今市區東北三萬米。唐城喺今市區東北一萬米嘅九江村。多年嚟，增城試過歸南海郡同廣州。大清時，增城歸廣州府，有茅田巡司，新塘墟主簿。

一九九三年改爲縣級市。後歸入廣州市。

特產

荔枝係增城嘅特產，當中又以掛綠荔枝為極品，只有一棵真身荔枝樹所出產嘅荔枝，先至會攞嚟做貢品。