鬱南

鬱南喺中國廣東，家下係雲浮市下一個縣，叫鬱南縣。因為喺鬱水，即西江之南而名，民國之前叫西寧縣。面積1966平方千米，人口48萬。縣政府駐喺都城鎮。

地理

山

北便有玉枕山。

水

西江由封川入，到羅旁口，文昌水合寶珠水、桂河水向北流入。西江再向南行，南江上源瀧水出西南榃棉村，向東北入羅定，過連灘墟合西江，入去東安。

西南有到沙水，出羅雲山，東南到羅定入瀧水。

西便有蟠龍水出大筍嶺，東北入封川。

史

大清時係跟羅定直隸州，有夜護巡司。另有都城巡司，不過廢咗。

1913年，民國改西寧縣做鬱南縣。