南北朝
出自維基百科，自由嘅百科全書
中國史 |
||||||
| 中國考古 | ||||||
| 傳疑時代（參考三皇五帝） | ||||||
| 夏 | ||||||
| 商 | ||||||
| 西周 | 周 | |||||
| 春秋 | 東周 | |||||
| 戰國 | ||||||
| 秦 | ||||||
| 西漢 | 漢 | |||||
| 新朝 | ||||||
| 東漢 | ||||||
| 三國 | ||||||
| 西晉 | 晉 | 十六國 | ||||
| 東晉 | ||||||
| 南北朝 | ||||||
| 隋 | ||||||
| 唐 （參考武周） |
||||||
| 五代十國 | ||||||
| 北宋 | 宋 | 遼 （西遼） |
||||
| 南宋 | 金 | 西夏 | ||||
| 元 | ||||||
| 明 | ||||||
| 清 | ||||||
| 中華民國 | ||||||
| 中華人民 共和國 |
中華民國 （參考台灣問題） |
|||||
南北朝（420年—589年）係夾住東晉至到隋唐嘅一段分裂時期，由420年南朝宋立國開始，至到589年隋朝滅咗南朝陳為止。因為大體上都係南北對峙，所以叫南北朝。
南朝（420年—589年）包括宋、齊、梁、陳等四個朝代；北朝（439年—589年）就包含北魏、東魏、西魏、北齊同埋北周等五個朝代，而隋朝就唔計。
歷史 [編輯]
南朝 [編輯]
南朝主要係由一啲出身唔係咁好嘅寒門統治。話說喺東晉後期，一啲世家大族懶得去管理軍隊，所以成日安排啲寒門出任軍職。其中一個就係南朝宋嘅君主劉裕。佢喺420年篡東晉帝位，做咗皇帝，國號「宋」。
雖然係咁，世家大族始終都好有影響力。而南朝整體上都係喺皇位爭奪之中度過，成日都互相動武。結果南朝越嚟越亂，最後到南朝陳嗰陣，就淨係靠條長江防守住。
北朝 [編輯]
北朝係由一班胡族人所統治嘅。大概喺439年，北方由鮮卑族拓跋氏統一咗。鮮卑族同埋一班胡族人，因為長期住喺黃河一帶，逐漸受到漢族文化影響。所以一開始就推行漢化政策，又建立均田制等等嘅稅收制度。
之但係因為唔同種族，北魏後期嘅朝政越嚟越差，最後分裂成東魏同埋西魏。後來兩個分別由北齊同北周取代。無耐北周消滅咗北齊，北方再度統一。
北朝經過咗百幾年，胡族同漢族之間開始有所融和。一啲胡人終於變得同漢族人無分別，而漢族人喺北朝亦都掌握咗軍事大權。到隋朝取代北周，發兵攻打南朝，最後終於統一中國。
