伊拉克

出自維基百科，自由嘅百科全書

伊拉克，國名伊拉克共和國（阿拉伯話：الجمهورية العراقية 或 العراق，庫爾德話：كۆماری عێراق），係一個響亞洲西南部嘅中東國家，南面接沙地阿拉伯、同科威特，北接土耳其，西北有敘利亞，而東面係伊朗，約旦就喺佢西面。伊拉克所處嘅兩河流域，喺歷史上係人類文明發源地之一。

伊拉克盛產石油，係僅次於沙地阿拉伯嘅第二大石油輸出國。2003年英美聯軍入侵伊拉克，又將當時嘅總統薩達姆侯賽因處死，令伊拉克政局混亂，伊拉克和平問題亦成為國際關注焦點。

目錄 1 國名 2 環境 3 簡史 4 人口 5 宗教 6 政治 7 經濟 8 文化 9 註解 10 參考 11 拎

[編輯] 國名

伊拉克喺西亞底格里斯河同幼發拉底河下游地區，古希臘人叫呢笪地方做美索不達米亞，意思係兩河之間。而伊拉克呢個名，係嚟自阿拉伯話，呢句阿拉伯話又係由中古波斯話嚟，意思係海岸、陡崖、低地。另外亦有一個講法話伊拉克係解「血管」，比喻兩河流域。

最初無一個明確地域話邊忽係伊拉克，伊拉克多數係講而家伊拉克中南部地區，而北部去到伊斯蘭時代就叫做「傑濟拉¹」，意思係「島嶼」，呢個稱呼到而家仲叫緊。

[編輯] 環境

伊拉克喺美索不達米亞低地海拔45.7米，東北部係扎格羅斯山脈，西南部係阿拉伯高原，屬於沙漠地帶，西南部係波斯灣，屬於沖積平原．湖泊同沼澤為主。

伊拉克北部以亞熱帶地中海式氣候為主，其餘大部份地區屬於熱沙漠氣候，雨量小兼炎熱，一年分兩季，11月至3月係寒季，4月底到10月係暑季，唔濕不過最熱去到攝氏38度以上。而春季時間就好短。

伊拉克中部同南部平均降雨量都係得250毫米，但北部山區就去到1000毫米以上，相差好大。

伊拉克係東西方交通要點，水陸兩路都可以去到南歐、高加索、阿拉伯半島、南亞地區。近年又加上生產石油，所以由古到令都係兵家必爭之地。

[編輯] 簡史

內文： 伊拉克史

伊拉克所處嘅兩河流域，亦即係史學家所講嘅美索不達米亞文明。喺歷史上係人類文明發源地之一，元前4700年就已經出現城邦國家。元前2000年出現巴比倫王國，之後又有亞述帝國同後巴比倫王國。元前500年畀波斯吞併之後，就成為波斯帝國屬地。一直到673年，亞拉伯穆斯林軍征服咗成個伊拉克地區，之後穆斯林軍用咗嚟做征服波斯同印度信德同中東地區嘅基地，大批亞拉伯移民搬咗去住，伊拉克因為咁而開始慢慢伊斯蘭化，開始倭馬亞王朝時期。

後來因為伊斯蘭教分裂，先後出現哈里哲派同什葉派，伊拉克係喺呢啲教派分裂嘅衝突入面成為磨心，680年第四任哈里發個仔侯賽因就因為呢啲教派衝突而畀人殺死咗，侯賽因因為死得太轟烈，結果成為什葉派精神支柱，佢死嗰日，即係伊斯蘭教曆元月十日，成為什葉派一個重要節日，而佢死嘅地方卡爾巴拉亦成為伊拉克嘅什葉派聖地。

750年阿巴斯革命，結束咗倭馬亞王朝時期，開始咗阿巴斯王朝，將首都由大馬士革搬咗去巴格達，巴格達成為呢個地區宗教、經濟同好多嘢嘅活動中心。

13世紀蒙古入侵，巴格達淪陷，伊拉克成為蒙古伊兒汗王朝領地。到16世紀又畀奧斯曼帝國佔領。1920年英國喺印度做總部入侵伊拉克，奧斯曼帝國淪陷，伊拉克成為英國委任統治區。不過伊拉克人都唔服英國，經過各種鬥爭之後喺1921年8月伊拉克宣佈獨立，成立伊拉克王國。

1963年2月復興黨政變推翻親蘇政府，無幾耐復興黨就畀人推翻。1968年又發動多次政變，成為伊拉克政權，立憲將伊拉克成為人民民主國家，伊斯蘭教列為國教，實行社會主義，推行世俗化同現代化政策。1979年薩達姆接管政權。

薩達姆執政之後，喺宗教、經濟、政治等各方面大力改革，例如喺宗教上落實世俗化同現代化政策，加強對宗教事務控制。喺經濟上又發展伊拉克天然資源，例如石油，改善咗伊拉克經濟情況。不過薩達姆為咗要令伊拉克成為中東地區最大國，加上要實現統一亞拉伯願望，於是對鄰近地區進行侵略，其中以兩伊戰爭同海灣戰爭最受國際社會關注，影響亦最大。兩伊戰爭因為打咗成八年，對伊拉克經濟造成損耗，而海灣戰爭就導致聯合國對伊拉克實施經濟制裁，兩場仗都令伊拉克好傷。

2003年英美聯軍入侵伊拉克，將總統薩達姆處死，令伊拉克境內各種政治同宗教派系鬥爭又轉惡劣，目前伊拉克和平問題同美國撤軍問題都係國際社會關注焦點。

[編輯] 人口

根據2006年7月統計，伊拉克境內總人口 26,783,383 人。亞拉伯人佔80%、庫爾德人佔15%、其他仲有土耳其人、亞美尼亞人、亞述人、猶太人、伊朗人。

伊拉克人口最密係南部美索不達米亞平原同水源豐富嘅北部丘陵地，其他地方都係人蹟罕至。

[編輯] 宗教

喺伊斯蘭教傳入伊拉克之前，由於曾經係波斯帝國屬地，所以瑣羅亞斯德教同摩尼教都係主要宗教。另外亦有基督教同猶太教喺度傳播。仲有啲游牧部族嘅神靈崇拜。

637年亞拉伯穆斯林軍征服咗成個伊拉克地區之後，伊斯蘭教就慢慢成為伊拉克主要宗教。

而家伊拉克境內有96%人係信伊斯蘭教，其中什葉派佔60%、遜尼派佔40%。根據伊拉克共和國憲法，伊斯蘭教係國教。

[編輯] 政治

伊拉克嘅宗教傳統深厚，宗教同政治之間關係微妙，伊拉克以伊斯蘭教為主，一直以來以什葉派為主流，而伊朗又係以什葉派為主，所以兩國歷史上嘅民族仇恨因為咁而緩和，而且仲有好多交流。

但自從伊拉克成為英國委任統治區之後，英國搵咗啲遜尼派嘅人做領導，喺反英浪潮之下形成民族主義思想。1947年黎巴嫩阿拉伯社會復興黨喺伊拉克開咗個分派，除此之外，仲先後有人成立咗共產黨、獨立黨同國家民主黨。

雖然伊拉克以什葉派為大多數，但伊拉克共和國立國之後，政治上主導政府永遠係遜尼派話事。復興黨以遜尼派為主，1968年發動政變成為執政政權，實施世俗化同政教分離，其實係想壓抑什葉派現代伊斯蘭主義對政權嘅威脅。走強硬路線嘅薩達姆執政之後，對宗教干預程度更大，於是出現反對派同復興黨作對。反對派中以什葉派為主嘅號召黨最活躍，另外伊拉克北部山區嘅庫爾德人亦係反對力量之一。由於什葉派同伊朗關係密切，亦導致執政嘅復興黨將伊朗當成威脅。

但係由於復興黨經濟改革政策改善咗人民生活，社會上對政府都好小不滿，加上政府對反對派打壓，所以反對派始終唔成氣候。政府對什葉派嘅壓迫亦令號召黨將總部搬咗去伊朗，同時喺英國、黎巴嫩、敘利亞、阿富汗設立分部，曾經發動過好多次針對復興黨政府嘅武裝活動。

海灣戰爭之後，庫爾德人曾經發動大規模起義，伊拉克政府出動直昇機、大炮向以庫爾德人為主嘅伊拉克北部山區進行轟炸，殺咗30萬人。之後好多人要走難去伊朗、敘利亞、巴林、英國、美國同好多歐洲國家

2003年英美聯軍入侵伊拉克，推翻薩達姆政權。

2005年5月3號，伊拉克過渡政府正式宣誓就職。

[編輯] 經濟

[編輯] 文化

[編輯] 註解

[編輯] 參考

[編輯] 拎

• 伊拉克概況

亞細亞洲
東亞及北亞 ： 中華人民共和國（北京）| 中華民國（台北）1| 日本 | 朝鮮民主主義人民共和國（北韓）| 大韓民國（韓國）| 蒙古 | 俄羅斯 東南亞 ： 緬甸 | 汶萊 | 柬埔寨 | 東帝汶 | 印度尼西亞 | 寮國（老撾）| 馬來西亞 | 菲律賓 | 新加坡 | 泰國 | 越南 南亞 ： 孟加拉 | 不丹 | 印度 | 馬爾代夫 | 尼泊爾 | 巴基斯坦 | 斯里蘭卡 中亞 ： 哈薩克 | 吉爾吉斯 | 塔吉克斯坦 | 土庫曼 | 烏茲別克 西亞 ： 阿富汗 | 亞美尼亞 | 阿塞拜疆 | 巴林 | 塞浦路斯 | 北塞浦路斯土耳其共和國 | 格魯吉亞 | 伊朗 | 伊拉克 | 以色列 | 約旦 | 科威特 | 黎巴嫩 | 阿曼 | 巴勒斯坦 | 卡塔爾 | 沙特阿拉伯 | 敘利亞 | 土耳其 | 阿拉伯聯合酋長國 | 也門 其他特殊政區 ： 香港（中華人民共和國）| 澳門（中華人民共和國）
世界地理索引 | 非洲 | 美洲 | 南極洲 | 歐洲 | 大洋洲 | 各國首都
(1) 請參閱台灣問題

石油輸出國組織
伊拉克 | 伊朗 | 科威特 | 沙地阿拉伯 | 委內瑞拉 | 阿爾及利亞 | 阿拉伯聯合酋長國 | 卡塔爾 | 利比亞 | 尼日利亞 | 印度尼西亞

阿拉伯國家聯盟 – جامعة الدول العربية
阿爾及利亞 ‧ 巴林 ‧ 科摩羅 ‧ 吉布提 ‧ 埃及 ‧ 伊拉克 ‧ 約旦 ‧ 科威特 ‧ 黎巴嫩 ‧ 利比亞 ‧ 毛裡塔尼亞 ‧ 摩洛哥 ‧ 阿曼 ‧ 巴勒斯坦 ‧ 卡塔爾 ‧ 沙地阿拉伯 ‧ 索馬裡 ‧ 蘇丹 ‧ 敘利亞 ‧ 突尼西亞 ‧ 阿拉伯聯合酋長國 ‧ 也門

伊斯蘭會議組織成員國及觀察員
阿富汗 | 阿爾巴尼亞 | 阿爾及利亞 | 阿塞拜疆 | 巴林 | 孟加拉 | 貝寧 | 布吉納法索 | 文萊 | 喀麥隆 | 乍得 | 科摩羅 | 象牙海岸 | 吉布提 | 埃及 | 加蓬 | 岡比亞 | 幾內亞 | 幾內亞比紹 | 圭亞那 | 印度尼西亞 | 伊朗 | 伊拉克 | 約旦 | 科威特 | 哈薩克斯坦 | 吉爾吉斯斯坦 | 黎巴嫩 | 利比亞 | 馬爾代夫 | 馬來西亞 | 馬裡 | 毛裡塔尼亞 | 摩洛哥 | 莫桑比克 | 尼日爾 | 尼日利亞 | 阿曼 | 巴基斯坦 | 巴勒斯坦 | 卡塔爾 | 沙地阿拉伯 | 塞內加爾 | 塞拉利昂 | 索馬利亞 | 蘇丹 | 蘇利南 | 敘利亞 | 塔吉克斯坦 | 土耳其 | 突尼西亞 | 多哥 | 土庫曼斯坦 | 烏干達 | 烏茲別克斯坦 | 阿拉伯聯合酋長國 | 也門
觀察員國: 波斯尼亞與黑塞哥維那 | 中非共和國 | 俄羅斯 | 泰國
穆斯林組織同團體觀察成員: 摩洛國家解放陣線(MNLF)  | 北塞浦路斯土耳其共和國
國際組織觀察員: 經濟合作組織(ECO) | 非洲統一組織 | 阿拉伯國家聯盟 | 不結盟運動 | 聯合國
睇 • 論 • 改 • 歷