遜尼派

出自維基百科,自由嘅百科全書
跳去: 定向搵嘢

遜尼派(Sunni亞拉伯話: أهل السنة والجماعة),係伊斯蘭教入面最多人嘅一個主流派系,全名係「遜奈和大眾派」,意思係「遵守遜奈嘅人」,佢哋又叫自己做「正統派」,穆罕默德死咗之後,佢哋主張哈里發應該係推舉合適嘅人嚟做,同什葉派主張要有合乎血統嘅人承傳相反,因而形成佢哋同什葉派之間對立嘅關係。佢哋以《古蘭經》同六大聖訓作為佈道、立法同行教嘅根據,喺9世紀制定咗一套四大學科,即係聖訓學、經注學、教法學同教義學四個學科系統出嚟。後來因為對護教主義某啲觀點嘅爭論,又分出咗唔同嘅學派出嚟。其中一個艾什爾里派喺11世紀中葉仲成為塞爾柱王朝嘅官方宗教,同蘇菲派合一之後,成為世界上最多穆斯林信嘅一個伊斯蘭教派,而中國嘅穆斯林就主要屬於哈乃斐學派

起源[編輯]

公元7世紀由亞拉伯人穆罕默德麥加創立伊斯蘭教,但最初受到麥加貴族壓迫,於是走到去麥地那成立一個宗教社團叫做「烏瑪」,經過長年鬥爭之後,烏瑪最終進佔麥加,最後成個亞拉伯半島亦變為伊斯蘭教嘅世界。

但喺穆罕默德死咗之後,由於無指定承繼人,同時亦無講點樣推舉領袖,於是好多人因為各種原因,例如信仰理解分歧、政治利益等原因,先後分裂出哈里哲派什葉派出嚟,加上帝國不斷擴張,單單一本《古蘭經》已經唔可以滿足各種實際生活需要,因而各自開始發展出一套教法同聖訓學,作為對《古蘭經》嘅補充。到9-10世紀終於完成六大聖訓集

但對於好多問題,尤其是哈里發職能同佢嘅制度、亞里功過等問題仍然好有爭議,為咗要令各方達成一致,「遜尼派」就咁慢慢形成。

而到咗11世紀,遜尼派正式確立艾什爾里派教義作為正式教義,之後又引入蘇菲派思想充實信仰內容,最後成套教義終於完全建立

四大教法學派[編輯]

哈乃斐學派[編輯]

馬立克學派[編輯]

沙斐儀學派[編輯]

罕百里學派[編輯]

聖訓派[編輯]

意見派[編輯]

參考[編輯]

主要參考書[編輯]