共產黨

出自維基百科,自由嘅百科全書

共產黨普遍指以共產主義為理念嘅政黨。全世界好多國家都有共產黨,有啲國家嘅共產黨重係國家嘅執政黨,例如中國古巴越南老撾等。最早嘅共產黨係1848年喺倫敦,由馬克思恩格斯帶頭成立嘅共產主義者同盟

共產黨係為咗代表無產階級(即係工人階級)嘅利益而成立嘅黨派。有人話,最早嘅共產黨係1848年嘅共產主義者同盟。而家普遍係共產主義同馬克思、恩格斯對共產主義同資本主義嘅闡述做指導思想嘅政治團體,通常都係將社會推向共產主義社會列為最終目標。共產黨曾經喺1917年十月革命後掀起第一次浪潮(即係推翻現政權體制建立社會主義國家嘅運動,當時並冇其他成功案例),重喺二戰後掀起第二次浪潮(中國喺呢一段時間基本建立起全國性嘅社會主義制度)。喺共產黨提出嘅政治經濟綱領裏面,好似遺產稅、超額累進稅等等促進社會公平嘅措施,得到咗世界包括資本主義國家嘅廣泛認可並實施。