阿曼

阿曼國旗

阿曼國徽

阿曼蘇丹國（簡稱阿曼，阿拉伯話：سلطنة عُمان）係喺西南亞洲阿剌伯半島東南沿海嘅一個國，西北便係阿剌伯聯合酋長國，西便係沙特阿拉伯，西南便係也門共和國。阿曼嘅海岸線對住阿剌伯海同埋阿曼灣。

阿曼係阿剌伯半島最古老嘅國之一，中國舊時叫佢做「祖法兒」。歷史上先後畀阿剌伯帝國、葡萄牙、波斯、英國等國入侵。1920年，英國承認阿曼獨立，但係阿曼就分裂咗做「馬斯喀特蘇丹國」同埋「阿曼伊斯蘭教長國」兩部分。1967年統一咗，改名做「馬斯喀特和阿曼蘇丹國」。1970年換咗政權話事人，8月就正式改咗名做「阿曼蘇丹國」。