葡萄牙

葡萄牙國旗

葡萄牙面向大西洋嘅海灣。

葡萄牙（Portugal），又叫葡國，官名葡萄牙共和國（República Portuguesa），係西歐一國。佢響伊伯利亞半島西邊，響歐陸來講係最西嘅。葡國本土黐住西班牙，西面係大西洋。葡萄牙長久歷史，不過國家畀羅馬天主敎敎宗承認係一國，就等到1143年 10月5號。

舊時喺澳門香港等地，西洋專指葡萄牙，西洋人指葡萄牙人。

[編輯] 史

葡萄牙早喺幾千年前就有人定居。1139年立咗個葡萄牙王國，行君主制度。

十五世紀係葡萄牙人最牙擦嘅時候。佢哋不斷向外擴張，又不停咁整船海上探險。葡萄牙喺海外挖咗好多資源返嚟，經濟一度去到頂點。

隨住英國、荷蘭同西班牙開始崛起，葡萄牙喺16世紀開始衰落。葡萄牙成日同佢哋打仗，打到咩都冇晒。1910年葡萄牙王國結束，正式行共和制度。

葡國本土黐住西班牙，西面係大西洋。如果以航海嚟講，葡萄牙係由歐洲直接經大西洋美洲，好有優勢。佢響大西洋亦都有亞速爾羣島同馬德拉羣島。

葡萄牙北部係山地，中部沿海地區有好多漁村同度假勝地，而南部就係丘陵地帶。

葡萄牙嘅經濟向來都唔係好好。一般嚟講佢嘅農業重發達過製造業，工業產品雖然好多化工同石油，但最出名嘅係用水松木製造嘅軟木塞，即係酒樽蓋。十五世紀嗰陣葡萄牙有好多殖民地，好似巴西，掌握咗好多原料資源，不過而家大部份殖民地都獨立咗，所以葡萄牙已經冇呢方面優勢。

葡萄牙貨幣目前係用歐元，係歐元創始國成員之一。