梵蒂岡
|
|||
| 國家格言：無 | |||
 |
|||
| 官方語言 | 拉丁話 （意大利話係最常用嘅） |
||
| 教宗（元首） | 本篤十六世 | ||
| 面積 - 總面積 - % 水面 |
列第193位 0.44 km2 0 |
||
| 人口 - 總人口（[[2004年） - 人口密度 |
列第193位 921 2093/km2 |
||
| 獨立 - 日期 |
拉特蘭條約 1929年2月11日 |
||
| 貨幣 | 歐元1 | ||
| 時區 | UTC+1 | ||
| 國歌 | 教宗進行曲 | ||
| 國際域名縮寫 | .va | ||
| 長途電話代碼 | 379 | ||
| （1）1999年之前用里拉 | |||
梵蒂岡城國（拉丁話：Status Civitatis Vaticanae，意大利話：Stato della Città del Vaticano），由羅馬天主教教廷統治，係世界天主教嘅中心，同埋宗座所在地。佢位於意大利首都羅馬城西北角嘅高地上，係世界上最細嘅國，面積只得 0.44 平方千米，人口 1380 人，成日住響度嘅人口得 540 人。意大利人為主，官方語言係拉丁話（平時多數講意大利話），以前通用貨幣係意大利里拉，依家係歐元，國花係百合。梵蒂岡喺地理上雖然係細細嘅國仔，但係，喺政治同文化上係好有影響力嘅大國。
目錄 |
歷史 [編輯]
梵蒂岡，拉丁話嘅意思係『先知嘅地方』。早喺西元4世紀，有人為咗紀念殉難嘅耶穌門徒聖伯多祿（聖彼得），就喺羅馬城西北角佢殉難嘅地方起咗間君士坦丁大教堂。到咗15至16世紀，君士坦丁大教堂改成依家嘅聖伯多祿大殿，變成天主教會舉行最隆重儀式嘅場所；西元756年，法蘭克王國國王丕平將羅馬城同周圍嘅區域送畀教宗。1870年意大利統一之後，教宗被迫退居羅馬城西北角嘅梵蒂岡宮之中；1929年2月11號，意大利政府同教宗庇護十一世簽咗《拉特蘭條約》，意大利承認梵蒂岡，視佢為主權國，主權屬教宗，梵蒂岡為中立國，佢嘅國土「神聖不可侵犯」。
政治 [編輯]
梵蒂岡係一個「宗教領袖制國」，梵蒂岡嘅元首係教宗。教宗由 80 歲以下嘅樞機嚮西斯廷教堂內舉行嘅教宗選舉（Conclave）上選舉產生嘅，任期終身。
教廷雖然有國家嘅樣，其實只係存在，建基響全世界教友嘅信仰之上，所以佢嘅政治制度同普通嘅國家唔同。其中嘅樞組織包括：
- 國務院（Secretariat of State）：綜理教廷行政，掌理教宗嘅樞密事務，首長係國務院長。現任嘅國務院長蘇達諾樞機主教（Angelo Card. SODANO）係意大利籍。
- 國務院之下設有：
- 宗教法院（Tribunals）：聖赦院、最高法院、聖輪法院；
- 十一教務委員會(Pontifical Councils)：平信徒委員會、基督徒合一促進委員會、家庭委員會、正義暨和平委員會、一心委員會、移民暨觀光委員會、醫療牧靈委員會、法典條文解釋委員會、宗教協談委員會、文化委員會、大眾傳播委員會（以上各機關首長多由樞機擔任，任期五年）。
- 另外仲有事務機關：宗座財務局、教廷財產管理局、教廷經濟事務局、教廷內務管理處、教宗禮儀處、分別掌理特定事務嘅委員會。
- 此外，教宗為治理梵蒂岡城邦，另設有「梵蒂岡城國管理委員會」(Pontifical Commission for the State of Vatican City)。
教廷（Sancta Sedes）係教宗以及佢嘅顧問嚮向全球各地嘅羅馬天主教會發出指令時所用嘅正式名，係全球羅馬天主教會嘅「中央政府」，教廷享有主權國一樣嘅地位，可以以主權國嘅身份簽訂國際性條約或加入國際組織。教皇授權主教委員會負責管理梵蒂岡嘅日常事務。梵蒂岡嘅法律體系嚟自教會嘅教規，當天主教教規唔適用時候，就用羅馬市嘅法律。
梵蒂岡可以以主權國嘅身份向其他主權國派出外交使節，亦可以接受由其他國派出嘅外交使節。但係由於國面積太小，別國派往梵蒂岡嘅外交使節一般都嚮羅馬設大使館。這樣做所造成嘅一個幾得意嘅結果係，意大利駐梵蒂岡嘅大使館係設嚮本國境內嘅。梵蒂岡與中華民國擁有外交關係，目前也正喺度嘗試同中華人民共和國改善關係。
地理 [編輯]
喺意大利首都羅馬城西北部，台伯河西岸嘅高地之上，以梵蒂岡城牆為國界標誌，屬亞熱帶地中海型氣候，平均氣溫1月 7℃，7月 24℃。
經濟 [編輯]
梵蒂岡嘅無工農業，自然資源都冇。財政收入主要靠旅遊、郵票、出租不動產、特別財產款項嘅銀行利息、梵宗教銀行盈利係嚟自送畀教宗嘅貢款以及教徒嘅捐款等。梵蒂岡嚮北美、歐洲多個國有幾百億美金嘅投資，其資本滲透到意大利眾多嘅經濟部門，特別係銀行信貸同不動產系統，僅地產一項就高達 46 萬餘公頃。黃金、外匯儲備達到 100 幾億美元。
1970年代中期以來，喺西方經濟危機嘅衝擊之下，梵蒂岡面對嚴重嘅財政困難，特別係銀行投資失誤同增加梵工作人員人工之後，財政年年都有赤字。1994年梵蒂岡財政盈餘 41.2 萬蚊美金，收入 1.7428 億蚊美金，支出 1.7387 億蚊美金。
人口 [編輯]
梵蒂岡城內大約有 890 名「常住」居民。梵蒂岡嘅公民大部分係神職人員，包括主教、神父、修女，以及出名嘅瑞士衛隊（一支教宗嘅志願禁衛隊）。重有大約 3,000 名世俗工人，佢哋係梵蒂岡嘅主要勞動力，但都唔係住嚮梵蒂岡城之內。
梵蒂岡嘅官方語言係拉丁話，一種源自羅馬但就快絕種嘅話。嚮大多數嘅交談、出版物、廣播中，主要使用嘅係意大利話同其他話。
文化 [編輯]
梵蒂岡城本身就係一件偉大嘅文化瑰寶，城內嘅建築好似聖伯多祿大殿、西斯廷教堂等都係世界上重要嘅建築作品，包括咗波提切利、貝爾尼尼、拉斐爾、米高安哲羅嘅作品。梵蒂岡都擁有一個館藏豐富嘅圖書館，以及一個博物館，專門收藏具有歷史、科學同文化價值嘅藝術品。
梵蒂岡嘅日常生活具有濃厚嘅宗教色彩，每逢星期日，聖伯多祿廣場天主教徒聚集，中午 12 點，隨著教堂鐘聲響起，教宗就會喺聖伯多祿大教堂樓頂正中嘅窗出現，向教徒發表演講，梵蒂岡嘅瑞士衛隊每年5月6號嚮聖達馬索院舉行宣誓儀式，誦念 5 個多世紀來一直未改過嘅誓詞，祈求上帝保佑自己圓滿完成任務，效忠教宗可以獻出自己嘅生命。
交通 [編輯]
梵蒂岡最近嘅機場係意大利羅馬嘅費米奇諾（Fiumicino）國際機場。
由羅馬火車站（Roma Termini）可以搭 40 號或者 64 號巴士，又或者搭羅馬地鐵（Metropolitana）A 線（Linea A）到達 Ottaviano 站，沿 Via Ottaviano 行大概10分鐘就到梵蒂岡。
參閱 [編輯]
出面網頁 [編輯]
- 聖座 - 聖座嘅官方網站
- 中華民國外交部教廷國情簡介
|
||||||||||||||||||||||||||||||||
