金

天然金

瑞士鑄造嘅一公斤金條

金（Gold）係一種極之貴重嘅金屬元素，原子序數79，符號Au，來自拉丁文Aurum，佢來自Aurora一詞，係「燦爛嘅黎明」咁解。幾千年嚟都俾人當錢用。亦都可以保值同整珠寶。金響岩石或沖積地裏面搵到嘅通都係一嚿嚿或者一粒粒。金係其中一種用來整硬幣嘅金屬。金係又軟又閃，黃色，質重，可以整扁拉長，係過渡金屬一種。家下工業用途包括牙科同電子。

同位素 [編輯]

喺全部金嘅同位素中，得金-197係穩定嘅，含量接近所有金嘅100%。其他18種同位素都有放射性，當中以金-195嘅半衰期最長，但係得186日。

金曾經被建議做核武器中一種鹽彈（Salted bomb）嘅原料，而鈷係另一種建議而且較為人知嘅原料，可以製成鈷彈（Cobalt bomb）。一層天然金嘅外罩經由熱核武器放出嘅密集高能量中子通量（Neutron flux）放射之後，會發生核轉變成為有半衰期2.697日嘅放射性同位素Au-198，製造出大約.411 MeV嘅伽馬射線，顯著增加咗武器核微粒（Nuclear fallout）幾日嘅放射性。呢個武器嘅製造、測試同使用仍然未被人所知。