砷

砷（Arsenic）係一個出名嘅化學元素，元素符號As，原子序33，原子量係74.92。

Arsenic呢個字來自波斯語زرنيخ‎ Zarnikh，意思係「黃色嘅雌黃」。Zarnikh 又來自希臘話嘅arsenikon同一個類似嘅希臘字arsenikos，意思係陽性嘅或者有權勢嘅。

第一次有關砷嘅紀錄係響1250年，由大阿爾伯特所完成。佢係一種以有毒出名嘅類金屬，有好多同素異形體，黃色（分子結構，非金屬）同幾種黑、灰色嘅（類金屬）係一部份常見嘅種類。三種有唔同晶格結構嘅類金屬形式砷存在響自然界（嚴格來講係砷礦，同更加稀有嘅自然砷鉍礦同輝砷礦，但更容易發現嘅形式係砷化物同砷酸鹽化合物，總共有幾百種嘅礦物已經被發現）。砷同其化合物被運用響農藥、除草劑、殺蟲劑同好多種合金之中。