氟

出自維基百科，自由嘅百科全書

氟係一種化學元素，屬於鹵素，原子序數9，相對原子質量18.9994。氟單質係一種有強烈腐蝕性嘅氣體，亦係氧化性最強嘅單質。

[編輯] 製備

由於氟單質有好強嘅氧化性，所以歷史上制氟一直都用電解法，直到1986年，先至用純化學法制得單質氟。

[編輯] 用途

氟可以保護牙齒，因為氟可以令牙齒表面嘅羥基磷酸鈣轉變成更加難溶嘅氟磷酸鈣。所以可以保護牙齒，令牙齒更健康。一般牙膏裏面都含有氟化物。但係，如果人體攝入太多氟，就會引起氟斑牙、氟骨病等疾病。所以，人體需要氟，但係要適量。