月餅

出自維基百科,自由嘅百科全書
跳去: 定向搵嘢
月餅一個

月餅中秋節主要食品,意謂團圓。月餅起源,民間有唔同講法。一說唐太宗八月十五出征突厥,凱旋而歸,得一圓餅。太宗大喜,指住個笑住講:「應將胡餅邀蟾蜍」。之後就同文武百官一齊食,從此,就有中秋節食月餅嘅習俗。另一說係唐明皇遊月宮時,食咗嫦娥款待嘅仙餅後,回宮命人製成。另外有傳說,末人民反抗統治,月餅裏面夾紙條傳遞通風報信。

不過文獻記載,月餅最早出現響南宋時候,之不過當時月餅同中秋節一啲關係都冇,只不過係一種蒸餅拎來賣咁。月餅真正同中秋節拉上關係喺明代。當時北京城內出現咗一種以果做餡嘅月餅。之後人人響中秋節呢一日自己整月餅,用來自用同送畀親朋戚友,以表達團圓祝賀之意。嗰陣時月餅大小同形狀個個都好唔同,差別好大,製作名堂多兼得意,好似有專供男人食嘅月牙月餅,只限女人食嘅葫蘆月餅,重有特別為後生仔準備嘅「孫悟空」、「兔兒爺」之類嘅月餅等,名目繁多,不一而足。到咗近代,月餅有人手亦用機器幫手整,品種亦日益豐富。

月餅商品[編輯]

而家嘅月餅係商品,款式好多,例如有冰皮月餅、雙蛋黃、金華火腿咁。不過,最正宗都係蓮子茸。喺香港大型餅鋪賣月餅係用月餅咭為主,嚟啲預繳式消費方便工廠統計,預知月餅銷售數量,有利減少死貨。

睇埋[編輯]