李世民

唐太宗

李世民（599年 1月23號—649年 7月10號）係唐朝第二任皇帝，係李淵個仔。佢做皇帝年間，年號貞觀。

響玄武門之變之後，老豆李淵退位，李世民做咗皇帝。佢治下國勢大盛，後人稱貞觀之治。死後廟號太宗，所以又叫唐太宗。死後傳位畀九仔李治。

生平[編輯]

李世民喺公元599年出世，當時係隋朝。嗰陣時李家已經係貴族。公元617年李家開始出兵反隋朝。來李家成功攻入長安立咗唐朝，阿爸李淵做皇帝，李世民就做咗秦王。之後李世民成日都出征，終於收復咗地方上其他勢力。

李世民做咗秦王嗰陣，阿哥李建成同細佬李元吉唔妥李世民，李世民就設下玄武門之變殺咗阿哥同細佬，重逼咗老豆李淵退位。結果李世民就成為唐太宗，改元貞觀。

喺李世民治理下唐朝國勢大盛，四方外族個個都稱唐太宗為天可汗，而對內就人人都豐衣足食，甚至連夜晚黑都可以唔使閂門。後人稱貞觀之治。

唐太宗喺公元649年逝世，享年50歲。