武則天（624年—705年）係唐朝人，中國歷史上唯一嘅女皇帝（武周）。
武則天係唐朝世家大族出身，阿爸係唐朝開國功臣，鄉下喺山西文水。武則天十四歲就俾唐太宗李世民選入後宮。喺唐太宗過身之後，佢被安排入佛寺做尼姑。但嗰陣時唐太宗個仔唐高宗李治做太子嗰陣已經好鍾意武則天，所以選返入皇宮，後來重做埋皇后。唐高宗經常將政事安排畀武則天跟，所以武則天權力越嚟越大。
唐高宗過身之後武則天操控咗幾個皇帝，最後重索性篡奪皇位，自己做咗女皇帝。佢做咗廿一年，最後喺臨死之前俾唐朝皇室子孫起兵反佢，最後喺佢逝世嗰陣退位。
