洛陽
出自維基百科，自由嘅百科全書
洛陽響中國河南，家下係地級市，叫洛陽市。洛陽因為近洛水，古時叫洛邑、雒邑。洛陽市管六區八縣一縣級市，分別係澗西區、西工區、老城區、瀍河區、洛龍區、吉利區、偃師市、孟津縣、新安縣、宜陽縣、伊川縣、嵩縣、汝陽縣、洛寧縣同埋欒川縣。
史 [編輯]
洛陽有成五千幾年歷史，先後有夏、商、西周、東周、東漢、曹魏、西晉、北魏、隋、唐、後梁、後唐、後晉13個王朝喺度建都，歷時1300幾年。當時係大城市，但因為唐朝之後嘅戰亂，到宋朝開始式微。
洛陽響明清時期為河南府治，民國時期設有專員公署，並一度為民國行都。1948年置洛陽市，但為縣級市屬洛陽地區管轄，1956年升為地級市（省轄市）。
人口 [編輯]
漢族人佔咗成個市嘅98.8%，只有1.2%係少數民族。但係成個市就有46個民族。少數民族以回族為主，近6萬人，佔少數民族人口80%。
2006年尾洛陽總人口646萬，市區人口140幾萬。
旅遊景點 [編輯]
- 偃師商代都城遺址
- 東周皇城遺址
- 白馬寺
- 龍門石窟
