齊齊哈爾
出自維基百科，自由嘅百科全書
齊齊哈爾係黑龍江省一個城市，位置喺黑龍江省西部、同內蒙古同吉林交界地區，係黑龍江省第二大城市，係黑龍江省西部地區、內蒙古東北部地區、吉林西北部地區嘅政治、經濟、文化中心。而家嘅市長係郝會龍。
齊齊哈爾市名嚟自達斡爾語，意思係邊疆或者天然牧場。
齊齊哈爾又叫做「鶴城」，因為國內著名濕地之一扎龍自然保護區就喺呢度，有幾十種鶴而出名。
史[編輯]
齊齊哈爾喺金朝初建城。中華民國時期，齊齊哈爾一直係黑龍江省省會。滿洲國成立之後，設立「龍江省」，齊齊哈爾做省會。光復之後，齊齊哈爾做咗新嘅黑龍江省省會。1954年黑龍江省會搬去哈爾濱，齊齊哈爾做咗省轄市。
地理[編輯]
齊齊哈爾喺嫩江平原上便，嫩江中游，嫩江貫穿全市。東便係綏化市，南便係吉林省白城市，西便係內蒙古呼倫貝爾市，北便係黑河市。齊齊哈爾地勢平坦，平均海拔146米。齊齊哈爾屬中溫帶大陸性季風氣候，冬長嚴寒，夏季悶熱，春秋涼爽。
齊齊哈爾面積42,469平方公里，人口567萬（市區143.9萬），以漢族為主，有滿族、達斡爾族、蒙古族、回族、鄂溫克族、朝鮮族等少數民族。
