武漢

出自維基百科,自由嘅百科全書
跳去: 定向搵嘢

座標: 30°35′00″N 114°19′00″E / 30.583333°N 114.316667°E / 30.583333; 114.316667

武漢
武汉市
武漢風光,由上到下順時針:武漢市區同黃鶴樓;漢海關;武漢長江大橋;黃鶴樓
武漢風光,由上到下順時針:武漢市區同黃鶴樓;漢海關;武漢長江大橋黃鶴樓

花名:簡稱:漢;舊名:漢口;其他:江城[1]、江漢[2]、百湖之市、九省通衢
武漢位置圖
武漢位置圖
經緯度 北緯30°35′00″東經114°19′00″
中華人民共和國 中華人民共和國
湖北
地級政區 副省級市
設市時間 1927年
市長 唐良智
市委書記 阮成發
總面積 8494.41[3] km²
人口
總人口(2010) 常住人口:978.5392萬人[4]
市區() 754.15萬人
人口密度 1.1456萬人人/km²
時間
時區 中國時區(UTC+8

市樹: 水杉
市花: 梅花
網站 中國武漢政府門戶網站
古建築同現代

武漢普通話拼音Wuhan,武漢話:wū hán sí)喺中國湖北,係湖北省城,係武昌漢口漢陽三鎮合稱,係華中人口密度最高嘅城市。佢喺中國中部揚子江漢水匯流處,當中武昌係中華民國成立嘅地方。武漢面積有8494.41 km²,人口978.5392萬(2010年數據)。境內有黃鶴樓東湖磨山等旅遊景點。

地理[編輯]

武漢市區大體分成三部分,亦即「三鎮」:武昌漢口漢陽。「武漢」呢個名就係出自呢三個部分,「武」係指武昌,「漢」係指漢口、漢陽。

史事[編輯]

古代[編輯]

3000年前就有居民住落,今日黃陂區內嘅盤龍城遺跡係3500年前嘅商代方國城邑,係長江流域唯一發現嘅商代城市遺跡。漢朝時,漢陽就已經係個繁榮大埠。3世紀時,現代武漢市區嘅兩個起源:漢陽嘅卻月城、魯山城(206年),武昌嘅夏口城(223年)形成,所以223年睇作係武漢城歷史嘅開頭。

三國建城以後[編輯]

223年,東吳孫權喺武昌城內臨近揚子江嘅蛇山起咗一座瞭望塔——黃鶴樓。到8世紀時,唐朝詩人崔顥來過呢道,寫咗首《黃鶴樓》,憑住呢首詩,武漢從此喺中國變得好有名。自此,武漢成為中國藝術(詩、畫)同學術中心之一。經濟上亦好繁榮,據南宋詩人陸游嘅講法,武昌「市邑雄富,列肆繁錯,城外南市亦數里,雖錢塘、建康不能過,隱然一大都會也」。

明朝成化年間漢水改道,從龜山北面入長江,到嘉靖年間呢個新江口新興起漢口鎮,形成武漢三鎮嘅格局。當時各路商幫匯聚,鹽、典當、米、木材、棉布、藥材呢六大行業發展出20里嘅漢正街,上到礄口、下到堤口(四官殿)。到明末清初,漢口鎮就同朱仙鎮景德鎮佛山鎮並列爲中國四大鎮,武漢成為全中國嘅水陸交通樞紐,號稱「九省通衢」。亦係明代時,開始有人將武昌同漢陽、漢口並稱,武漢個名開始有人嗌。

近世[編輯]

1858年,據天津條約漢口開爲對外商港,好快漢口就有英、德、法、俄、日五國租界,因為武漢地方嘅交通條件好好,畀啲人讚做「東方芝加哥」,好快漢口嘅貿易量冚過廣州,乃至號稱「駕乎津門(天津)、直逼滬上(上海)」,成為中國第二貿易港。

中華民國[編輯]

1911年10月10號辛亥革命喺武昌取得勝利,各省脫離大清管治,建立咗「鄂軍都督府」,而武漢就成為咗革命中心。第二年,中華民國正式成立。1920年代呢道係汪精衛對抗蔣介石嘅極左政權大本營。日本侵華時,南京淪陷,1938年蔣介石政府一度留喺武漢道,無耐搬去重慶,當年有武漢會戰,武漢畀日本機炸到亂曬籠,之後武漢就蕭條咗。

而家[編輯]

1986年12月成為國家歷史文化名城,1992年5月成為沿江對外開放城市,1993年4月成立武漢經濟技術開發區,引入咗好多外國投資。1998年長江洪水武漢係抗洪重點。

[編輯]

  1. 李白喺道寫過句詩「黃鶴樓中吹玉笛,江城五月落梅花」,因此得名
  2. 長江、漢水交匯處嘅意思
  3. 武漢市統計局. 武漢市統計年鑑2010. 中國統計出版社. 2010-08. 喺2011-3-15搵到; (中文). 
  4. 武漢市統計局. 武漢市2010年第六次全國人口普查主要數據公佈 (.htm). 湖北省統計局. 2011-08-09. 喺2013-08-25搵到; (中文).