孫權

出自維基百科,自由嘅百科全書
跳去: 定向搵嘢
孫權

吳大帝孫權粵讀ng4 daai6 dai3 syun1 kyun4182年252年四月),字仲謀zung6 mau4三國時代嘅開國君主之一。佢響222年稱吳王;229年稱帝,建立吳國,即係東吳。

孫權阿爸孫堅同阿哥孫策,響東漢末年群雄割據中打好咗江東基業。孫權文武雙全,年少嗰陣已經有將帥嘅才能、統率大軍嘅能力,十八歲掌權成為一個諸侯,佢嘅敵人曹操都讚佢「生子當如孫仲謀」。207年聯合劉備抗曹操,喺赤壁之戰打敗曹操。

同三國時代嘅其他第一代君主一樣,孫權都好識用人,而且響納諫方面做得更好,重會認真聽反面意見。同時都好有戰略眼光。《三國志》記載吳國大臣對孫權嘅評價:「提魯肅於凡品,是其聰也;拔呂蒙於行陣,是其明也;獲于禁而不害,是其仁也;取荊州而兵不血刃,是其智也;據三州虎視於天下,是其雄也;屈身於陛下(曹丕),是其略也」,雖然難免溢美之辭,但概括嘅野都算全面。

三國志淨係有記載孫權響神鳳元年(252年)四月瓜咗,但《建康實錄與吳書》就記載「神鳳元年夏四月乙未,帝崩於內殿。」,所以孫權幾時瓜重查緊。

前任:
孫策
大皇帝
229年252年
繼任:
孫亮