孫策

出自維基百科,自由嘅百科全書
跳去: 定向搵嘢

孫策175年200年),字伯符,吳郡富春(而家浙江杭州富陽)人。

事業[編輯]

孫策阿爸孫堅喺佢17歲嗰時(191年)喺荊州中黃祖埋伏而傷重死亡,之後吳家大業就由年輕嘅孫策接管。孫策為喪父一事懷恨在心,為咗據有部隊同領地繼而為父報仇,多次喺袁術答應下幫助作戰,但係袁術多次反悔,最後終於親自率領阿爸舊部去江東,脫離袁術。由於孫策豪爽正直嘅性格,容易周圍結交豪傑,所以先後同周瑜張紘相識,同周瑜結拜為兄弟。

197年,孫策終於建立咗自己嘅武裝力量同埋根據地,東山再起,得到其他軍閥同東漢朝廷嘅認可。

198年,東漢朝廷封孫策為吳侯,拜討逆將軍。

199年,孫策率軍大敗宿敵黃祖,同阿爸報仇。

200年,孫策喺出去打獵的時候被許貢嘅門客刺殺,冇幾耐傷重死咗,終年二十六歲。孫權做皇帝之後,追諡孫策「長沙桓王」。

屋企[編輯]

孫策係孫堅大仔,有四個細佬,由大到細分別係孫權孫翊孫匡孫朗

孫策有愛妻大喬

孫策有一仔兩女:

  • 孫紹,先封吳侯,後改封上虞侯。
  • 大女係朱紀嘅老婆。
  • 細女係陸遜嘅老婆。