劉備

劉備（161年—223年 6月10號），字玄德，蜀地漢國皇帝，係開國君主，以繼承中原皇族漢統自居。同曹氏嘅魏國，孫氏嘅吳國，三足鼎立，後人稱之爲三國。及後來曹丕廢漢帝，自立爲魏帝，劉備亦因而稱帝，繼承漢統。

[編輯] 屋企

劉備處於東漢末葉，政局動盪，州官割據，羣雄並起。劉備遠祖，係漢室皇族，皇帝劉啟嘅玄孫，中山靖王劉勝嘅後人，阿爺劉雄，阿爸劉弘，都做過官，之不過早死。劉備生於漢桓帝延熹三年，自細貧窮生活，同佢阿媽雙依爲命，賣草履織蓆為生。後生嗰時跟盧植學習儒家思想，之後參軍，參與鎮壓黃巾之亂。

劉備先參與鎮壓黃巾之亂，先後作為客軍投靠公孫瓚、陶謙、曹操、袁紹同埋劉表。207年請諸葛亮出山，以一城之力抵抗曹操，208年聯合孫權同周瑜，喺赤壁之戰打敗曹操。佢先後佔領荊州、益州，最後親自統軍發起漢中之戰，打敗曹操，後自封漢中王。曹丕廢漢獻帝自立後，221年劉備於成都稱帝，史稱蜀漢。同年佢為攞返荊州同埋為關羽報仇，出兵打吳，大敗而歸，史稱彝陵之戰。223年駕崩。

劉備有國兩年，史稱先主；佢個仔劉禪維持咗40年國祚直至亡國，是為後主，其中前10年由諸葛亮主政，最後10年由姜維主管北伐事務。

呢篇劉備係關於人物同傳記嘅楔位文章，重未完成嘅。麻煩你幫手補充佢嘅內容。