趙雲

出自維基百科,自由嘅百科全書
跳去: 定向搵嘢

趙雲(—229年),字子龍,常山真定人(家下河北正定),三國時期蜀漢嘅主要將領。

簡介[編輯]

趙雲首先投靠袁紹,但因袁紹心胸狹窄而改投公孫瓚。後來公孫瓚俾袁紹殺咗,趙雲投靠劉備

建安十三年(208年),劉備喺荊州俾曹操出兵追殺,於是向江陵逃走,但係劉備唔想放棄自願跟住佢嘅人民,結果喺當陽長阪俾曹軍追上。嗰陣趙雲負責保護劉備一家大細,因為戰亂而搞到失散,於是進入曹軍嘅陣營。後來抱住劉備嘅仔劉禪,同埋保護住老婆甘夫人平安返到劉備嗰邊。

除咗嗰陣嘅戰績外,後來重有益州、漢水、北伐嘅仗都戰績卓越。佢喺建興七年(229年)病死。

屋企[編輯]

  • 趙統:趙雲嘅大仔,趙雲死後繼承佢個爵位。
  • 趙廣:趙雲嘅細仔,官職係牙門將,喺沓中跟住姜維嗰陣戰死沙場。