周瑜

出自維基百科,自由嘅百科全書
周瑜

周瑜粵拼zau1 jyu4175年210年),字公瑾gung1 gan2,係廬江舒(今安徽省舒城縣)人,人稱「美周郎」,東漢末年群雄孫策孫權重要將領。

周瑜好後生就成就大功,加上自身謙虛寬容,相貌堂堂,精熟音律,重深得主上孫策、孫權嘅禮遇器重,佢老婆小喬亦稱國色,係後世唔少人羨慕追思嘅英雄形象。

佢所指揮嘅赤壁之戰,係中國史上著名嘅以少勝多戰役,亦直接決定三國時代魏蜀吳三國鼎立嘅局面。

周瑜喺210年病死,享年36歲。

家庭[編輯]

周瑜同老婆小喬有2仔1女:

  • 周循,周瑜大仔,老婆孫魯班,官拜騎都尉,有周瑜之風,早死。
  • 周胤,周瑜二仔,老婆孫家宗女,初為興業都尉,屯於公安,封都鄉侯。最後因罪放逐廬陵郡,病死。
  • 周氏,周瑜個女,嫁畀太子孫登

文學作品中嘅周瑜[編輯]

喺小說三國演義諸葛亮喺過江東爭取東吳嘅聯盟時,將曹植嘅銅雀台賦中「連二橋於東西兮,若長空之蝃蝀」篡改為「攬二喬於東南兮,樂朝夕之與共」,用嚟激嬲周瑜。

參考[編輯]