哈爾濱

哈爾濱冰雪大世界

哈爾濱（Harbin），又寫夏爾濱，係中國一城，喺黑龍江省。中華人民共和國編制下，係黑龍江省會，行政上係副省級城市，叫哈爾濱市。哈爾濱位處喺東北平原嘅北面，黑龍江省嘅南邊，面積有53,068平方公里，響副省級以上嘅城市排第二，僅次於重慶市。哈爾濱亦係省中政治、經濟、文化、科技同埋交通嘅中心。

哈爾濱嘅氣候係中溫帶嘅大陸性季風氣候，冬天非常之長，連夏天都好涼爽。佢重有「冰城」、「夏日勝地」嘅稱號，係滑雪、旅遊，同埋避暑嘅好地方。

哈爾濱市係中國第一批優秀旅遊城市，又係中國歷史文化名城；佢嘅城市建築風格好特別，城入面有好多歐洲式嘅建築物，所以又有「東方莫斯科」、「東方小巴黎」嘅稱號。