火

營火

火係燃燒現象，大量嘅熱同光用發光同火焰形式放出來。火亦都指燃料燒ၵ嘅狀態，例如營火同爐火，又或者燒到控制唔到，造成破壞，都係火，例如山火。

文化上

因為火對生活好有用，喺宗教、文學、文化、甚至講嘢嘅層面，都有好多嘢同火有關。行星用火命名，好似火星，宗教有拜火教… 平時嬲嗰陣，會話扯火，把幾火。

失控嘅火：火燭

火燭即係時間同空間上失去控制同造成財物同人身傷害嘅燃燒現象。根據火災嘅損失（人員傷亡、受災戶數同財物嘅直接損失金額）分為一般火燭、重大火災同特大火燭。

火警級別

火警級別係一種基本嘅火災測量單位。經常俾新聞界用，「一級火警」、「二級火警」、……最高可能達到「九級火警」。呢個係一種以消防人員數目計算嘅級別。早期，「一級火警」代表畀一個消防隊撲滅嘅火災，「二級火警」代表畀兩個消防隊撲滅嘅火災，等等……最高「九級火警」因為當時城市規劃將消防隊區域劃為方形，每個消防區有八個鄰接區。而家消防規劃有所改變，好多地區有明確嘅火警級別定義，但係好多火警級別定義仍然係以此為基礎 。

睇埋

• 起火

維基同享有多媒體嘅嘢：

火