大唐
出自維基百科，自由嘅百科全書
中國史 |
||||||
| 中國考古 | ||||||
| 傳疑時代（參考三皇五帝） | ||||||
| 夏 | ||||||
| 商 | ||||||
| 西周 | 周 | |||||
| 春秋 | 東周 | |||||
| 戰國 | ||||||
| 秦 | ||||||
| 西漢 | 漢 | |||||
| 新朝 | ||||||
| 東漢 | ||||||
| 三國 | ||||||
| 西晉 | 晉 | 十六國 | ||||
| 東晉 | ||||||
| 南北朝 | ||||||
| 隋 | ||||||
| 唐 （參考武周） |
||||||
| 五代十國 | ||||||
| 北宋 | 宋 | 遼 （西遼） |
||||
| 南宋 | 金 | 西夏 | ||||
| 元 | ||||||
| 明 | ||||||
| 清 | ||||||
| 中華民國 | ||||||
| 中華人民 共和國 |
中華民國 （參考台灣問題） |
|||||
大唐（618年—907年）係中國史上一國，叫大唐國，簡稱唐。以中國斷代史計，又叫唐代或唐朝。大唐係李淵開國，皇帝係姓李，所以又叫李唐。大唐國祚長達289年，連武則天在內，有廿二任皇帝，國史中一段重要時期。
大唐響文化、政治、經濟同外交等方面都有輝煌嘅成就，係當時世界上最強國之列。當時東亞屬國例如新羅、渤海國同日本等國，佢哋嘅政治、文化等方面，都好受大唐影響。
目錄 |
歷史 [編輯]
唐朝係由李淵同佢個仔李世民立國。李淵一家係世家大族，人稱「隴西李氏」。喺南北朝嗰陣李家一直咁服侍北朝。後來到李淵嗰代，因為地方大亂，李淵跟住其他人喺地方起兵，最後喺618年贏得咗江山，國號「唐」。
唐朝喺唐太宗李世民開始步入鼎盛。當其時北朝所訂立嘅制度，唐朝承襲咗好多。而李世民仲任用咗好多出名嘅大臣，好似杜如晦、房玄齡、魏徵等等。而因為唐朝對外成日打勝仗，各個外族都叫唐太宗做「天可汗」。之後幾百年間，唐朝首都長安係當時全中國大城市，成日都有好多外族人到來。
唐朝國力威咗百幾年，到755年安史之亂後，地方勢力開始膨脹，形成所謂「藩鎮」。唐朝因此衰弱咗好多年，到907年亡國嗰陣，依然有好多藩鎮喺度割據。
體制 [編輯]
唐朝喺制度上確立咗三省六部制，喺宰相之下設立吏、戶、禮、兵、刑、工六個部。又有科舉制度，開始選拔人才。
當時唐朝中央官員大多數都出身舊時北朝嘅世家大族，自武則天大力提拔平民入官之後，呢種貴族壟斷嘅政治開始瓦解咗。
文化 [編輯]
唐朝最出名嘅係寫詩。好多中國史上最出名嘅詩人都係唐朝人，例如李白同杜甫。
另外佛教喺唐朝亦都非常興盛，有好多唔同嘅門派，直到唐朝後期先至由禪宗統一。
皇帝 [編輯]
