唐玄宗李隆基（685年—762年）係大唐第九個皇帝（712年—756年在位），又叫做唐明皇。
李隆基喺廿八歲繼位，在位期間係處於大唐盛衰之間。佢在位頭三十年年號係「開元」，期間重用良臣重整戶口，使唐朝繼續保持生氣。但在位耐咗佢寵愛咗楊貴妃，於是唔理朝政。李隆基在位三十年後改年號做「天寶」，用咗一啲俾後世鬧為奸臣嘅人，好似李林甫、楊國忠、安祿山。而其中安祿山更加發動「安史之亂」。玄宗被迫帶楊貴妃離京，最後楊貴妃死咗，李隆基傷心過度，唯有讓位畀自己個仔李亨，即係唐肅宗。
762年李隆基去世，享年78歲。
