孫悟空，又叫美猴王、齊天大聖、孫行者、馬騮精。佢係《西遊記》嘅主角之一，亦都係中國人家傳戶竅嘅故事人物。
故仔講一隻喺花果山吸咗日月精華喺石頭爆出嚟嘅馬騮，孫悟空(Suen Ng Hung)生性反斗，四圍去玩，有時重搞搞震，練得一身好武功，俾玉皇大帝招咗去做弼馬溫（打理啲馬嘅官），之後偷蟠桃食，大鬧天宮，練成金睛火眼，最後俾如來佛祖捉實，壓喺五行山之下 500 年咁耐，俾唐三藏救咗，拜佢做師父，幫佢去取西經。
