馬騮

物種分類

小目

闊鼻小目（新世界猴）Platyrrhini
- 捲尾猴科 Cebidae
- 青猴科 Aotidae
- 僧面猴科 Pitheciidae
- 蜘蛛猴科 Atelidae
狹鼻小目（舊世界猴）Catarrhini
- 猴科 Cercopithecidae

馬騮，文言上叫做猴，係靈長類動物。馬騮有成 264 種，佢個樣同猿好相似，兩樣都好似無乜分別，所以多數人都會當某啲猿係猴。但係事實上，猿係無尾嘅，加上身型比較大隻，唔同馬騮。

食性同生態地位 [編輯]

馬騮同人一樣，係雜食動物，以生果，雀蛋，昆蟲為主，睇佢咩品種。馬騮進食後吐出或屙出嚟嘅種子，可以喺第啲林地生長，而馬騮亦係大型食肉動物（例如：豹）嘅食物來源，對森林生態好有貢獻。

馬騮可以話係亞洲嘅產物。分布印度，東南亞（泰國，馬來西亞，越南），中國（海南島，廣東，廣西，台灣，香港）等地。可分3個亞種。

喺印度等地方，因為馬騮所住嘅森林大受破壞，令佢哋被迫走入市區搵食，結果令佢哋變成小偷，識得打開雪櫃，搶飯盒，造成滋擾。中國一啲農地，亦都係因為森林逐漸減少，吸引唔少馬騮走去偷食，造成猴患。

喺香港郊野公園所見嘅品種，主要以恆河猴為主，另外重有長尾獼猴同佢哋嘅雜種，以前香港係恆河猴嘅原產地之一，但相信已經絕種。現時啲人見到嘅馬騮，聽講係後期有人刻意放生，再變成而家嘅野生品種。

嘉道理農場而家舊「鹿苑」改建為馬騮籠，而以前荔園動物園亦都有養馬騮。

馬騮係中國嘅12生肖之一，排第九。

點解啲人會改叫猴做「馬騮」呢？同「馬」有咩關係？據講以前馬舍有瘟疫，之後放馬騮喺馬籠度養，跟著啲馬就無事啦。所以後來就用「馬騮」嚟代表「猴」。

同馬冇乜關係，马骝係古汉语「猱」嘅反切音，猱即係猴子。

十二生肖
鼠 \| 牛 \| 虎 \| 兔 \| 龍 \| 蛇 \| 馬 \| 羊 \| 猴 \| 雞 \| 狗 \| 豬