書面語

出自維基百科,自由嘅百科全書
跳去: 定向搵嘢

書面語,亦叫書面文,係喺用嚟寫嘢同埋睇(閱讀)嘅文字。基於口講嘅說話發展出來,係有之後跟住出現。

並唔係所有民族都有書面語,因此亦只係得識字嘅人先識書面語。

特色[編輯]

書面語基於口語,慢慢發展成唔似口語嘅、自成一格嘅語言,有自己一套邏輯,叫文法。書面語係需要學嘅。書面語亦會反過嚟影響返口語。

口語需要會講嘅人,如果會講嘅人晒,呢種口語就冇咗。即使,識某種書面語嘅人死晒,嗰種書面語可以繼續存在,好似埃及象形文字

書面語唔使靠人把口,可以通過其他途徑傳開,傳播速度同範圍比口語快同遠。

因為書面語係人喺文本上面交流所用嘅語言,相對於口語,有佢嘅內在嘅穩定性。呢樣體現喺空間同時間兩個跨度上面:

  • 喺空間跨度上,就算各地方言迥異,口語好唔同,甚至可能係用唔同嘅語言,但都重可以用一樣嘅書面語(比如講古代中國文言喺南、北方嘅使用以及對日、韓等東亞國家嘅影響)。
  • 喺時間跨度上,就算口語會以幾十或上百年為週期做大嘅演變,但係書面語喺呢段期間變化好細。相對嚟講,書面語比口語變得慢。

書面語唔單止可以記錄歷史上面語言嘅變化,重隨住文字嘅傳播,會將一種語言向其他語言地區擴散,等其他語言範圍裏面受教育嘅人俾另外一種書面語影響,而將呢種書面語嘅成分帶入口語,影響當地口語嘅變化,等各種唔同語言加快互相融合嘅速度同範圍。

喺中國嘅定義[編輯]

喺中國嚟講,書面語就係基於北方話(即普通話/國語)嘅白話文(而家又叫現代標準漢語)。但喺以前,書面語係文言文