康熙字典

出自維基百科,自由嘅百科全書
跳去: 定向搵嘢
2005年再版嘅中華書局嘅康熙字典
廣益書局版康熙字典

康熙字典》,亦都寫做《康煕字典》,喺大清康熙年間由翰林院張玉書陳廷敬主編,參考大明嘅《字彙》、《正字通》兩本書而編寫嘅中文辭典。由康熙五年寫到康熙五十五年(1716年)至成書,重印次數多到數唔倒。

《康熙字典》總共有 4萬7035 隻字,分成 12 集,用 214 個部首分類,有反切注音、出處、參考等等。另外仲附有《字母切韻要法》同《等韻切音指南》。

《康熙字典》字頭之下列有嗰個字嘅唔同音切同意義,除僻字僻義之外都有引書為證。清代法律規定,凡讀書人應考科舉考試,寫嘅字必須攞《康熙字典》做標準,因此,該書對學術界影響好大,成書之後,好鬼流行,即使,今時今日仲係一本好嘅工具書

《康熙字典》有清代嘅木刻本,晚清時,上海出現幾種影印本,中華書局舊時用同文書局嘅影印本做底本,製成鋅版,而家利用存版重印,並且附有王引之嘅字典考證擺響後面,攞嚟參考。

出面網頁[編輯]