唐字

唐字，或叫漢字、中文字、國字，或單叫字，係源於中國嘅表意文字，流行於東亞。古人直稱之為「文」或「字」。唐字、漢字、中文字等名，因爲要同外文字，先至冠名。

史

字由石器時代記示演化而來，傳說係黃帝史官倉頡所造，但不能作準。現時考古發現，有規模用字，最早係商嘅甲骨文，刻於甲骨之上，同占卜評語。後亦有金文，或刻或鑄，在銅器之上，係有石鼓文，刻石之上。其他竹或布帛，因易腐易敗，不易流傳。因竹簡流行，各地有大篆，書寫各異。秦國李斯，一統各異，是爲小篆。到漢時，紙張流行，篆書而變隸書。魏時出楷書。楷書又分出行書、草書。及後書寫，多以楷行草。而楷書視爲標準。

如今唐字流行於中國、日本、韓國、新加坡、馬來西亞、香港、澳門、台灣等地。

書體

漢字書體有甲骨文、小篆、大篆、金文、楷書、行書、草書等等。

造字

查實有史以來，不停有新字，各地因事物有異，音有異，時有異，而造字。

日本有和字，韓國有韓字，廣東有粵字等。

減筆字

所謂減筆字，民間古而有之，減筆字係筆劃較簡嘅異體字，一般求快而用，所以古時不登大雅之堂。減筆字多以俗為主，亦有行內之字，仲有啲係訛字，習非成是。舊時公文，仍堅持正字，減筆字并不入流。

而官方嘅減筆字，中國、日本都有。中國大陸官稱為簡化字，而民間多叫做簡體字。