東干語（Хуэйзў йүян、回族語言），又叫俄羅斯回回話、中亞回回話，係東干族用嘅語言，中國西北地區嘅漢語中原官話同蘭銀官話喺中國境外嘅特殊變體，主要融會咗俄文詞彙，亦融會阿拉伯話、波斯語同埋突厥語部分詞彙，後來由於同中文嘅交流增加，亦吸收咗唔少普通話詞彙。其中又可細分為甘肅方言同埋陝西方言變體。書面語以甘肅方言為基礎，另外喺20世紀初，出現咗大批東干語文學作品，亦成為今日東干語嘅語法規範。
若果一個陝西人遇到東干人，佢哋可以輕易溝通，從中反映兩種語言嘅相似性。
