閩南話

閩南語（Hokkien）
主要使用地區：	中國大陸、台灣、新加坡、馬來西亞、印尼、菲律賓、泰國等東南亞同其它海外華人地區
中國大陸：	福建省南部；廣東省東部潮汕地區、雷州半島；浙江省南部少數地區
使用人口：	大概4900萬
排名：	21 [1]
語系：	漢藏語系漢語閩語閩南語
官方地位
作為官方語言嘅地區：	無；但中華民國教育部同埋民間組織喺台灣扮演重要角色
語言代碼
ISO 639-1	zh
ISO 639-2(B)	chi
ISO 639-2(T)	zho
ISO 639-3	nan

閩南語（粵拼：man⁵ naam⁴ jyu⁵，閩南語白話字：Bân-lâm-gú），喺臺灣亦稱為Hō-ló-ōe（閩南白話字；臺灣話、臺語、河洛語、福佬話、鶴佬話等），係屬於漢語閩語嘅方言，亦係最有影響力嘅閩語。分布喺福建南部、臺灣、廣東東部嘅潮汕地區、雷州半島、海南島、閩西龍巖市區同埋漳平一帶、閩東寧德市嘅福鼎一帶、浙江南部蒼南、平陽、洞頭部分地區同埋東南亞一啲國家同埋地區。

[編輯] 分布地區

閩南語主要分布喺臺灣同埋福建，同時喺中國大陸其他地區同埋東南亞等地區亦都有分布：

江蘇省：宜興縣南部山區
浙江省：以平陽話為代表，主要分布喺沿海地區：
- 溫嶺縣嘅石塘一帶
- 玉環縣嘅坎門鎮
- 洞頸縣嘅本島、半屏島、元角、倪嶼
- 瑞安縣嘅北麂島、大南鄉
- 平陽縣嘅南麓島、東部沿海嘅西灣鄉、墨城鄉
- 泰順縣嘅東南角
- 文成縣嘅東南角
- 蒼南縣、長興縣、臨安縣、舟山群島等地區
江西省：東北部接近浙江嘅地區
廣東省：東部沿海地區
海南省：以海口話、文昌話為代表，分布遍及全島
廣西省
東南亞：新加坡、印度尼西亞、馬來西亞、泰國等地

[編輯] 次方言

基本上，按地區，大致可以劃分為以下幾種次方言：

[編輯] 語言之間嘅親近性

[編輯] 閩臺片

閩臺片，就係本土閩南語。漳州同埋泉州係語言學範疇裏面所指嘅各種閩南方言嘅發源地，所有嘅閩南方言嘅源頭都係漳州話同埋泉州話。漳、泉方言內部有啲差異，主要係音韻系統方面有啲唔同，但係相互之間有嚴格嘅對應關係；語法同埋用詞就基本一致。明清以來出現嘅廈門話同埋臺灣話（兩者非常之似），都係直接由漳、泉各縣（市）方言混合而成，體現咗亦漳亦泉、唔漳唔泉嘅特色。就係因為噉，廈門話同埋臺灣話亦被國內外人士睇成典型嘅閩南話。閩臺片嘅閩南話內部較為統一。東南亞嘅福建話亦就係指閩臺片嘅閩南話。

[編輯] 浙南片

明末清初時期，有好多閩南人（主要係龍溪、海澄、漳浦、安溪、惠安、同安等地）搬去浙南嘅蒼南縣、平陽縣、玉環、洞頭一帶同埋福建東北部嘅福鼎、霞浦一帶。浙南同閩東地理相連，口音亦相近，呢個片區統稱為浙南片。閩南話傳入浙南、閩東地區後，由於自身嘅演變同埋受周圍方言（浙南係甌語，閩東係福州語系）嘅影響，同閩南本土嘅閩南話形成一定差別，蒼南人習慣將呢種方言稱為「浙南閩語」。現代嘅浙南閩語同閩臺片嘅閩南話相比較，主要係入聲韻、鼻化韻嘅退化消失同埋用詞方面嘅差別。但整體嚟講，浙南閩語基本重係保留咗本土閩南話其它嘅特色。相對嚟講，浙南閩語比潮汕話更係接近閩臺片閩南話。

[編輯] 潮汕片

潮汕話同閩臺片嘅閩南語有好多相似嘅地方，但互相之間差別重係非常明顯。佢嘅語法同閩臺片相同，詞匯亦有高度嘅對應，語音語調上就有明顯嘅差異，即使係噉，彼此雖然各講各嘅，但係重算係溝通到，基本上潮閩雙方都可以好快融入對方嘅語系。喺潮汕話同閩臺片相交融嘅地區，兼具有兩者嘅發音特色，好似福建嘅詔安，新加坡等。潮汕話除咗分布喺廣東省潮汕地區之外，重係廣泛分布喺東南亞眾多潮人聚居嘅地方。

而家用潮州話嘅地區主要有：汕頭市、潮州市、揭陽市等市同埋所屬嘅各縣區，汕尾市大部分地區，同埋海外潮人聚居嘅地方。泰國曼谷同埋其他城市嘅唐人街（Chinatown），法國巴黎嘅唐人街，柬埔寨大部分嘅華人，越南一部分嘅華人講潮州話。全世界以潮州話為母語嘅大概有3000萬人。

[編輯] 海南片

海南話據講係由閩南（有人話係莆田）人遷移過去之後同當地語言混合後形成嘅一種閩方言。

海南話以文昌話為代表，同其他片區嘅閩南語嘅差別最大，基本上溝通好費力。

[編輯] 睇埋

[編輯] 出面網頁

漢語分支（斜體表示有爭議）

十大分支：官話 | 晉語 | 湘語 | 吳語 | 徽語 | 贛語 | 客家話 | 粵語 | 平話 | 閩語

官話：東北 | 北京 | 膠遼 | 冀魯 | 中原 | 蘭銀 | 江淮 | 西南

閩語：閩南 | 閩東 | 閩北 | 閩中 | 莆仙 | 邵將 | 瓊文

閩南話

目錄