上古漢語

出自維基百科,自由嘅百科全書
跳去: 定向搵嘢
古文

上古漢語係最初由古漢語語言學家高本漢(Bernhard Karlgren)主張,由商代(中國青銅時代,公元前11世紀)至西(由公元前206年至9年)嘅古人講嘅古代中文。其中佢又可以細分做幾個時期,而家嘅古漢語語言學家多數以「上古漢語」、中古漢語(由南北朝至宋)、近古漢語(由元至清)同現代漢語來區分古漢語。呢個詞主要用喺漢語音韻史入面,而呢科嘅宗旨係憑而家有嘅歷史資料去重構古代中文嘅語音。

上古漢語亦係漢時期大一統帝國嘅官話,論語孟子道德經就係喺呢個時期寫成,而沿用咗二千幾年嘅文言文正正保留咗上古漢語嘅語法同詞彙。

由於喺先秦時期留低嘅音韻書唔多,亦無乜其他語言可以對照,所以上古漢語唔似得中古漢語噉,喺語音方面已經取得咗廣泛嘅共識。直到而家嗰尐語言學家都重拗緊一尐根本問題,例如上古漢語到底有無複輔音同聲調。而重構上古漢語主要靠兩個根據:第一,收集咗上古文學嘅書,譬如楚詞詩經;第二,有講上古音韻嘅書,例如說文解字爾雅