日文
日文係日本通行嘅官方語言。
目錄 |
其他稱呼 [編輯]
- 㗎文（gaa4 man2）：廣東人戲稱。
- 日語：語言學界術語，但係廣東話好少噉叫。
- 日本話：舊時叫法。
操日文者 [編輯]
第二次世界大戰嗰時，日本殖民地嘅細路仔焗住學日文兼改日文名，受累國家排名不分先後有台灣、韓國、南洋、大洋洲諸島及中國淪陷區。故此時至今日好多人識講日文。定居美國加州同巴西嘅日本橋民亦有相當多識日文。佢哋嘅後裔雖則改日文名，但係日文就講到唔鹹唔淡。
日文特色 [編輯]
日文講法變化多端，有口語同書面語之別，要因應場合/男女/長幼/尊卑嚟講話。唔同行業唔同職務嘅人講嘢亦不盡相同。折射出日本社會森嚴等級制度。
日文敬語相當豐富。莊重場合使用敬語倍覺典雅，之但係敬語過於繁複嘅文法令學日文者卻步。生於斯長於斯嘅日本人亦難以完全熟練掌握。
日文讀音好易，得五個母音同十個子音，加埋各類罕有音節為數亦唔過一百。同日文發音類似嘅有西班牙話同埋意大利話。一般嚟講，呢三種語言嘅發音之中，子音同母音嘅比例接近 1：1。
詞彙 [編輯]
日文辭彙非常豐富，多如牛毛，大量使用外來語。一般辭彙（未計人名地名）有成3萬幾個（1956年）（睇日文辭彙）。
語言系屬（有爭議） [編輯]
日文嘅語言學非常複雜。起源於阿爾泰語系，後來受南島語系嘅影響，尤其受漢語影響好大，吸收咗本來作為漢藏語系特點嘅聲調同埋量詞，因此令日文嘅語言學非常複雜。不過亦有人對日文嘅起源持不同意見。
有人認為係孤立語言，亦有人認為可以劃入阿爾泰語系（有啲學者繼而提出韓日-琉球語族嘅概念，並認為日文喺佢之下）。佢嘅書寫體系中存在好多借用嘅漢字（當用漢字）。日文有兩套表音符號（假名）：平假名（ひらがな 平仮名）同片假名（カタカナ 片仮名），同時亦可以用羅馬字（Rōmaji）寫成拉丁字母。同日文相近嘅有朝鮮文、蝦夷文（阿伊努文）同埋琉球文。
有人認為日文屬於黏着語，通過喺詞語上黏貼文法成分嚟構成句子，其間嘅結合並唔緊密，唔改變原本辭彙嘅含義只表文法功能。
日文字母表 [編輯]
五十音圖 [編輯]
註：日文假名後面嘅漢字係代表嗰個假名嘅漢語來源
| a | i | u | e | o | 備註 | |
|---|---|---|---|---|---|---|
| a あ（安） ア（阿） |
i い（以） イ（伊） |
u う（宇） ウ（宇） |
e え（衣） エ（江） |
o お（於） オ（於） |
う（u）嘅發音同英文以及中文嘅u嘅發音有啲唔同。 發音嗰陣，個嘴嘅形狀唔係圓嘅，而係比較扁。 |
|
| K | ka か（加） カ（加） |
ki き（幾） キ（幾） |
ku く（久） ク（久） |
ke け（計） ケ（介） |
ko こ（己） コ（己） |
|
| S | sa さ（左） サ（散） |
si(shi) し（之） シ（之） |
su す（寸） ス（須） |
se せ（世） セ（世） |
so そ（曾） ソ（曾） |
し（si）嘅羅馬字有兩種，si係日本政府推薦嘅用法， 括弧入面嘅shi係黑本式羅馬字。下面嘅ti、tu都係。 |
| T | ta た（太） タ（多） |
ti(chi) ち（知） チ（千） |
tu(tsu) つ（川） ツ（川） |
te て（天） テ（天） |
to と（止） ト（止） |
|
| N | na な（奈） ナ（奈） |
ni に（任） ニ（二） |
nu ぬ（奴） ヌ（奴） |
ne ね（祢） ネ（祢） |
no の（乃） ノ（乃） |
|
| H | ha は（波） ハ（八） |
hi ひ（比） ヒ（比） |
hu(fu) ふ（不） フ（不） |
he へ（部） ヘ（部） |
ho ほ（保） ホ（保） |
喺羅馬字裏面，hu（ふ）通常被拼寫成 fu。 |
| M | ma ま（末） マ（万） |
mi み（美） ミ（三） |
mu む（武） ム（牟） |
me め（女） メ（女） |
mo も（毛） モ（毛） |
|
| Y | ya や（也） ヤ（也） |
- | yu ゆ（由） ユ（由） |
- | yo よ（与） ヨ（與） |
yi同埋ye喺日文裏面由於口語嘅變更而冇再用啦。 |
| R | ra ら（良） ラ（良） |
ri り（利） リ（利） |
ru る（留） ル（流） |
re れ（礼） レ（礼） |
ro ろ（呂） ロ（呂） |
|
| W | wa わ（和） ワ（和） |
(wi) ゐ（為） ヰ（井） |
- | (we) ゑ（惠） ヱ（惠） |
wo(o) を（遠） ヲ（乎） |
wi（ゐ）同埋we（ゑ）喺日文裏面由於口語嘅變更而冇再用啦。 wo（を）嘅發音同 o（お）相同。 |
| N |
ん（无） ン（二） |
ん 係一個單獨嘅音節。 | ||||
濁音同埋半濁音 [編輯]
濁音主要係喺清音嘅右上角加上兩點（゛）表示，而ha行假名加上一個圓圈（゜）表示半濁音。
| A | I | U | E | O | 備註 | |
|---|---|---|---|---|---|---|
| G | ga が ガ |
gi ぎ ギ |
gu ぐ グ |
ge げ ゲ |
go ご ゴ |
|
| Z | za ざ ザ |
ji じ ジ |
zu ず ズ |
ze ぜ ゼ |
zo ぞ ゾ |
"zi"讀做"ji". |
| D | da だ ダ |
ji ぢ ヂ |
zu づ ヅ |
de で デ |
do ど ド |
"di"讀做"ji"，"du"讀做"zu" |
| B | ba ば バ |
bi び ビ |
bu ぶ ブ |
be べ ベ |
bo ぼ ボ |
|
| P | pa ぱ パ |
pi ぴ ピ |
pu ぷ プ |
pe ぺ ペ |
po ぽ ポ |
拗音 [編輯]
| ya | yu | yo | 備註 | |
|---|---|---|---|---|
| K | kya きゃ キャ |
kyu きゅ キュ |
kyo きょ キョ |
|
| S | sha しゃ シャ |
shu しゅ シュ |
sho しょ ショ |
Alt.: sya, syu, syo. |
| T | cha ちゃ チャ |
chu ちゅ チュ |
cho ちょ チョ |
Alt.: tya, tyu, tyo. |
| N | nya にゃ ニャ |
nyu にゅ ニュ |
nyo にょ ニョ |
|
| H | hya ひゃ ヒャ |
hyu ひゅ ヒュ |
hyo ひょ ヒョ |
|
| M | mya みゃ ミャ |
myu みゅ ミュ |
myo みょ ミョ |
|
| R | rya りゃ リャ |
ryu りゅ リュ |
ryo りょ リョ |
|
| G | gya ぎゃ ギャ |
gyu ぎゅ ギュ |
gyo ぎょ ギョ |
|
| Z | ja じゃ ジャ |
ju じゅ ジュ |
jo じょ ジョ |
Alt.: zya, zyu, zyo |
| B | bya びゃ ビャ |
byu びゅ ビュ |
byo びょ ビョ |
|
| P | pya ぴゃ ピャ |
pyu ぴゅ ピュ |
pyo ぴょ ピョ |
注：片假名嘅ウ（u）加上兩點“゛”之後可以用嚟表示外來語嘅「v（音。va、vi、vu、ve、vo 分別寫作 ヴァ，ヴィ，ヴ，ヴェ，ヴォ。
促音 [編輯]
用小體書寫嘅平假名「っ」或者片假名「ッ」表示音節突然中斷，形成一個促音。促音係一個單獨嘅音節，喺讀嗰陣雖然唔發音，但係要停頓。
促音通常係中古漢語入聲字嘅殘留，喺羅馬字裏面就以重覆下一個字嘅子音（如果冇子音，就用h）為表記。例如：
「日本」=「日」+「本」；「日」=「にち」（nichi），「本」=「ほん」（hon）。當「日」同埋「本」擺埋一齊讀嗰陣，「日」嘅後半個音節「ち」（chi）變為促音，「本」出現半濁音變化，讀成「p」。所以「日本」嘅日文讀法由「にちほん」（Nichi-hon）縮短為「にっぽん」（Nippon）。（「日文」嘅日文係「日本語」（にほんご，nihonngo））
長音 [編輯]
用平假名嗰時，當跟住喺後面嘅字母同前一個字母屬於同一段嗰陣，前面字母嘅母音就會變成長音。要注意嘅係「i」跟喺「e」嘅後面及「u」跟喺「o」段字母嘅後面嗰陣亦可以表明長音，例如 けいさつ（警察） 同埋しょうねん（少年），ke同埋sho嘅音都要拉長。轉寫羅馬字嗰陣，長音可以用加上一個英文字母，或者喺延長嘅母音上面加上一橫或者一個尖頭嚟表示。所以 けいさつ = keisatsu/kēsatsu/kêsatsu，しょうねん = shounen/shōnen/shônen。
要講明嘅係，日本嘅一啲專用名稱，例如東京、大阪、京都，由於佢哋個名喺英文裏面已經用咗好長時間，所以佢哋嘅羅馬字嘅長音一般都唔特別表示；要表示亦只會用橫線或者尖頭。喺寫羅馬字嗰陣，とうきょう（東京） = Tokyo/Tōkyō/Tôkyô，但唔係 Toukyou。同樣道理，おおさか（大阪） = Osaka/Ōsaka/Ôsaka，但唔係 Oosaka；きょうと（京都） = Kyoto/Kyōto/Kyôto，但唔係 Kyouto。
用片假名嗰陣，長音一律以「ー」嚟表示。例如：スクール（sukuuru） = school。
假名嘅演變 [編輯]
日本最早出現文字嘅文物大約係喺公元1世紀，嗰時嘅日本學者使用漢字嚟為日文表音，稱為「訓讀」。喺呢一個基礎上發展出萬葉假名，最早出現喺日本最早嘅詩歌總集《萬葉集》裏面。呢種方式借用咗漢語嘅表音功能而捨棄咗佢嘅結構性，再加上漢語冇詞形嘅活用同缺少助動詞，喺公元9世紀先後創造咗以漢字正體為藍本嘅片假名同埋以漢字草體為藍本嘅平假名，將日本嘅文字徹底進化到表記文字嘅時代。
連出去 [編輯]
