東京

東京嘅位置

東京嘅名勝二重橋

東京（とうきょう）係日本嘅首都，以前叫江戶（Edo）。喺1868年明治天皇時期，日本遷都，由京都東遷德川幕府大本營江戶，江戶從此改名東京。

東京係日本嘅政治、經濟、文化、交通等各方面嘅中心，吸引大量人搬到東京，都會範圍越來越闊，樓宇同其他城相連。東京都總面積有 2162平方公里，包括23個特別區，26個巿，5個町和8個村，同周圍嘅千葉、神奈川、埼玉三個縣構成「首都圈」。東京都目前大概有1255萬人口（相當於全日本嘅1/10），成個東京都會區（包括橫濱等週邊都市）總人口有成3375萬，係全球最大嘅都會區。

每日有幾百萬人由首都圈外圍地區去東京返工，令東京嘅市中心好繁盛，新宿、丸之內、日本橋等辦公大樓林立嘅區域聚集咗唔少上班族；到咗夜晚，新宿繼續人頭湧湧，其他人潮就轉咗去銀座、澀谷、六本木、台場等休閒娛樂場所林立嘅區域。

東京呢個國際大都市，係亞洲地區金融、貿易等交流活動嘅中心，亦係亞洲流行文化嘅中心。東京每年都吸引好多人去旅行。