5月4號

5月4號係公曆年嘅第124日（閏年第125日），離年尾重有241日。

呢幾年嘅今日

[編輯] 大件事

1919年：「五四運動」首先喺北京展開。導火線係當時嘅中國政府代表未能喺巴黎和會爭取到取消列強喺中國嘅特權，同埋廢除袁世凱同日本簽訂嘅《二十一條》條約，舉國憤慨。北京各院校幾千個學生發動示威遊行，齊集天安門廣場，號召「外抗強權，內除國賊」。五四運動要求科學民主嘅呼聲，隨即得到全國民眾同埋學生嘅響應。
1975年：正當英女皇伊利沙伯二世首次訪問香港嘅第一日，一艘丹麥貨輪「基娜馬士基」號載住4600幾個越南難民抵港。揭開越南難民潮嘅序幕。呢批難民喺西貢政權易手之後，坐一艘南越貨船逃亡嘅，但係貨輪途中沉沒，難民由丹麥貨輪救起，本港就將石崗同埋西貢三個軍營闢作為難民營。難民問題喺之後十幾年一直困擾住香港。