八九民運
出自維基百科，自由嘅百科全書
八九民運，係中國人響1989年4月15號到6月4號爭取民主嘅運動。呢次運動最後以當局派軍隊清場，有人傷亡嚟結束。呢次運動無論對中國定係世界歷史，都影響深遠。
目錄 |
[編輯] 事件發生經過
[編輯] 胡耀邦病死
4月17日，學生開始聚集喺天安門廣場。嗰日晏晝，第一支遊行隊伍、中國政法大學法律系大約500名學生喺人民大會堂東門舉行悼念活動，警察冇辦法驅散群眾，嗰晚廣場上已經聚集咗成千人，除咗政法大學學生外，重有其他高校學生同埋普通市民增援。第二日凌晨，大約3,000名學生由北京大學前往天安門，沿途過千名清華大學學生加入。清晨，幾百名學生喺人民大會堂前靜坐，要求人大常委接見，並且向常委提交請願信，提出咗7點要求[1]：
一，重新評價胡耀邦同志嘅是非功過，肯定佢嘅民主、自由、寬鬆、和諧觀點；
二，徹底否定清除精神污染同埋反對資產階級自由化，對蒙受不白之冤嘅知識分子平反；
三，國家領導人同埋家屬年薪，以及一切形式的收入向人民公開，反對貪官污吏；
四，畀民間辦報，解除報禁，實行言論自由；
五，增加教育經費，提高知識分子待遇；
六，取消北京市政府制定嘅關於遊行示威「十條」規定；
七，要求政府領導人就政府失誤向全國人民作出公開檢討，並通過民主形式對部份領導實行改選。
[編輯] 人民日報四二六社論
《人民日報》喺1989年4月26號，發表咗有名嘅《必須旗幟鮮明地反對動亂》[2]，呢篇文章喺4月25日響北京電視台新聞報導中宣讀[3]。
[編輯] 戈爾巴喬夫訪華
[編輯] 天安門廣場
[編輯] 趙紫陽揸大聲公
[編輯] 戒嚴令
[編輯] 六四事件
- 內文： 六四事件
[編輯] 中國各地嘅情況
當時嘅學生運動起源於北京，通過新聞媒體嘅傳播，隨後迅速發展到中國各地。喺中國各地都有學生同其他行業嘅人民上街遊行示威，支持喺北京嘅學生。因為中共中央無一致嘅睇法，各地方政府同單位喺當時對民運嘅態度都唔同。有縱容，有支持，有保持沉默。喺其他各地嘅學生運動，隨著六四事件嘅發生，而自行結束。無發生多少流血事件。
當時嘅中國新聞媒體都得到咗一次少有嘅開放同自由，佢哋嘅報道非常熱烈。好多報紙雜誌對於學生運動嘅報道都係非常積極，支持佢哋嘅運動。好多新聞媒體嘅工作人員甚至加入咗遊行隊伍。但係後來隨著事件嘅惡化，新聞媒體嘅報道從支持，逐漸轉向同中國共產黨嘅口徑一致。還有一啲報紙因為言論太過激烈，而被關閉。
[編輯] 天津
[編輯] 上海
上海嘅《世界經濟導報》創辦人同主編係70幾歲嘅欽本立。呢種刊物倡導民主思想。胡耀邦死後嘅第四日（4月19號），《導報》嘅一班編輯舉辦咗一個研討會。欽本立認為研討會內容應該帶有實質性嘅嘢而唔係一般既哀悼之詞。呢下得到與會者認同。會上戴晴講到中國共產黨七十年來嘅歷史同幾位總書記嘅命運。佢講到黨嘅總書記都冇好下場，因為都係「非程序權力更迭」。
4月20號，上海市委宣傳部得知，《世界經濟導報》將開闢專欄悼念胡耀邦。宣傳部長陳至立隨即告訴咗江澤民。由於內容敏感，曾慶紅同欽本立討論第439期《導報》清樣問題時，要欽本立刪節五百字，主要係嚴家祺、戴晴等人嘅發言。當江澤民同汪道涵硬壓軟勸要欽本立同意刪節時，卻發現十幾萬份報紙都已印好咗，兼且四百份已批發畀個體報攤。此外，重有相同數量報紙直接送咗去北京，最後至追回兩萬份，但已經造成影響。4月26號《人民日報》發表社論《必須旗幟鮮明地反對動亂》後，江澤民召開嘅市委書記緊急會議。同日喺有一萬四千名黨員參加嘅大型集會上江澤民宣佈停止欽本立嘅領導職務，重決定整頓《導報》。4月27號，江澤民派劉吉、陳至立負責既「上海市委整頓領導小組」進駐《導報》。撤除具有獨立意識嘅欽本立《世界經濟導報》總編職務嘅活動。
上海亦有好多學生參加罷課。
[編輯] 南京
南京好多高校學生都到南京市中心鼓樓廣場，新街口廣場進行遊行。喺鼓樓廣場嘅旗桿上，掛上咗一面白旗，上書一個祭。南京師範大學附屬中學嘅校長喺六月二號，於全校大會上發表咗畀北京嘅公開信，支持學生嘅民主運動。該校學生都有去鼓樓廣場參加咗遊行。同時，有啲高校嘅學生為咗讓工人加入罷工，有段時間會到主要交通接口阻攔交通。喺呢段時間，由於學生運動，南京嘅公共汽車服務不得不中斷。對南京市民交通帶來不便。
[編輯] 杭州
[編輯] 東北
[編輯] 廣州
[編輯] 香港
香港有好多市民走上街頭，部份人進行遊行。重且在維多利亞公園舉行咗燭光晚會。當時嘅香港總督都支持民運。1989年5月27號，香港歌星，影星喺跑馬地召開咗聲援學生嘅《民主歌聲獻中華》集會，有30萬人參加。鄧麗君演唱咗我的家在山的那一邊，侯德健 龍的傳人 張明敏 我的中國心。
六月五號清晨，中銀集團所屬嘅十三間分行門口排起咗長龍，發生咗中銀集團成立以來最大嘅一次客戶擠提，當天提出款項五十億港元，創歷史最高紀錄。呢次擠提令中銀集團元氣大傷，而呢次擠提亦係自1965年廣東信託銀行倒閉及恆生銀行擠提事件之後最嚴重嘅擠提事件。
[編輯] 澳門
六月五號，喺中國銀行澳門分行同佢屬下嘅十六間支行門口，一早就排起長龍，發生咗自1950年成立以來第一次客戶擠提現象，當天提出款項3.3億港元。
[編輯] 台灣
台灣嘅人民都有遊行，支持大陸學生。在六四前夕，台灣歌星因此創作咗一首歌 歷史的傷口。台灣政府作為支援大陸民主運動嘅特別措施，公佈咗四項措施，其中有：向放棄中國護照嘅外地嘅中國留學生同學者發放中華民國護照；向呢啲留學生同學者提供學費同生活補助。
