聖女貞德

出自維基百科,自由嘅百科全書
跳去: 定向搵嘢
聖女貞德

聖女貞德粵讀sing3neoi2zing1dak1)(Jeanne d'Arc1412年1月6號1431年5月30號)係法國民族英雄、軍事家、天主教聖人。響英法百年戰爭1337年 - 1453年)之中,貞德帶領法國軍隊對抗入侵嘅英軍,最後喺貢比涅勃艮第軍隊捉咗,燒死埋。

貞德之前係一個法國農家女,佢話喺十六歲時嘅一日,響村後嘅大樹之下見倒天使聖米迦勒聖瑪嘉烈聖凱瑟琳,得到「上帝嘅啟示」,要求佢帶兵收復當時畀英國人佔咗嘅法國土地。幾番轉折,貞德得到兵權,響1429年用九日幫奧爾良解圍,好多次帶兵打敗英國嘅侵略者,重促成擁有王位承繼權嘅查理七世喺同年7月16號加冕做皇帝。聖女貞德響1430年貢比涅一次小衝突之中俾勃艮第軍隊捉咗,英國人無幾耐用咗一大筆錢買佢返嚟,由英國控制嘅宗教裁判所判佢係異端,以女巫罪判處火刑,響1431年5月30號喺法國盧昂(Rouen)當眾燒死。

貞德 17 歲嗰時變成出名法國嘅女英雄,三年後被處死。廿年後英國人被徹底逐出法國嗰陣,貞德阿媽說服教宗卡利克斯特三世重審貞德件案,最終響1456年幫佢翻案。之後響1920年5月16號教宗本篤十五世封聖。

貞德死後變成西方文化嘅一個重要角色。由拿破崙到而家,法國嘅政治人物都用佢嘅形象嚟宣傳,主要嘅作家同作曲家,包括莎士比亞伏爾泰席勒威爾第柴可夫斯基馬克吐溫蕭伯納布萊希特都作咗唔少同佢有關嘅作品,重有大量以聖女貞德為題材嘅電影、戲劇、音樂亦一路都有,直到今時今日。

出面網頁[編輯]