性病

出自維基百科,自由嘅百科全書
跳去: 定向搵嘢

性病係類傳染病,係主要由性交傳染得來。英文文獻多數叫venereal disease(VD)、sexually transmitted disease (STD)、sexually transmitted infection (STI)等,意思係靠性來傳染嘅。而呢類病容易響妓業裏面散播,所以叫生花柳或者花柳病。佢又畀人叫風化病,因為嫖妓舊時睇來有傷風化,所以咁叫法。但唔係話有性病就有傷風化,染病可以完全同妓業,甚至同性無關。

好多傳染病都可以由性交傳染,但因為有其他途徑,所以有時都無畀人歸入性病。因為傳染都唔一定發病,近年英文改用sexually transmitted infection (STI),即係靠性傳播嘅感染之意。另一方面,性病亦可以由打針時共同帶病原針筒,又或阿媽生仔或者喂奶傳染畀細蚊仔,查實又唔係得全部由性而來咁窄。

好耐之前嘅人,就知有花柳病,傳統見嘅淋病梅毒,同埋近幾十年嘅愛滋病咁。有啲肝炎都係靠性傳播,不過一般都唔特別歸入性病。