愛因斯坦

出自維基百科,自由嘅百科全書
跳去: 定向搵嘢
量子力學
{\Delta x}\, {\Delta p} \ge \frac{\hbar}{2}
Uncertainty principle
Introduction to...

Mathematical formulation of...

呢個盒: 睇吓  討論  編輯  
愛因斯坦(1948年)

愛因斯坦英文Albert Einstein,全名音譯:阿爾拔·愛因斯坦1879年3月14號1955年4月18號)係一位理論物理學家。佢最出名嘅係發表咗相對論,另外喺量子力學、統計力學、同埋宇宙學方面都有好大貢獻。佢對光電效應嘅量子解釋重喺1921年得到諾貝爾物理學獎。好多人都話佢係20世紀最偉大嘅科學家。

生平[編輯]

童年到大學[編輯]

愛因斯坦喺德國烏爾姆市出世,一年後成家人搬咗去慕尼黑。佢屋企都係猶太人,但係冇入猶太教。佢爸爸本來賣床褥,後來開電器舖。

五歲嗰年,佢爸爸送咗個指南針畀佢,佢就發現有啲睇唔到嘅嘢牽引住枝針。後來愛因斯坦話嗰次嘅經驗係佢一生中最有啟發性。雖然佢識砌啲機械模型嚟玩,但係讀書讀得好慢。可能係因為學習障礙病,又或者只係因為怕醜,又或者係因為佢個腦結構特殊。最新嘅理論話愛因斯坦應該係患咗亞氏保加症(Asperger's Syndrome),係自閉症嘅一種。因為當時呢個病未畀人發現,佢父母重以為佢係低能。

愛因斯坦話自己之所以諗得出相對論,正係因為細個時學嘢慢,遲過其他小朋友開始思索時空,到嗰陣思想已經比較成熟。

貢獻[編輯]

愛因斯坦獲得1921年諾貝爾物理學獎,因為佢成功發現光電效應。

後來佢又寫咗好多有關時空,物質嘅理論。可惜,因為當時嘅人睇唔明佢嘅理論,導致佢無法得到應有嘅尊重。

佢嘅理論,喺佢死後50年,先有人開始明白少少。但至今,重有好多都睇唔明佢寫乜。不過,最大唔同嘅係,人已經尊重佢,而唔係當佢癲佬。

連出去[編輯]

Wikiquote-logo.png
維基語錄收錄咗同呢篇文相關嘅摘錄: