打仗理由

出自維基百科,自由嘅百科全書
跳去: 定向搵嘢

打仗理由casus belli)係指聲稱有權開戰嘅理由,不論係真定係假。打仗係紛爭嘅一種,就算係硬搶都要有個理由去拗。中國古代打仗都要求出師有名。

正義仗[編輯]

內文: 正義仗

亞里士多德西塞羅同埋聖奧古斯丁就有提出正義仗嘅觀念[1],一般認為打仗係最後嘅選擇,而且需要打仗理由。有時為咗證明打仗係迫於無奈,政府喺訂立外交政策時要確立戰爭條件,為可能打仗做準備,一旦到咗就宣佈打仗理由說服其他政權。

基於自身利益,多數人都會唔講理由而好自然咁抗拒打仗嘅,而且冇人想不明不白死喺戰場,無論係進攻定係防守都一樣。畀個理由嘅目的有時唔係說服其他政府,而係說服民眾,令佢哋冇咁抗拒打仗同徵兵,例如納粹德國嘅教育主張民族統一最重要,不惜要人民犧牲都要侵略捷克,利用社會價值內化加強打仗理由嘅說服力。

好多時作為宣傳戰,宣稱嘅打仗理由唔一定係真,因為合乎道德嘅打仗理由未必夠渲染力,而夠渲染力嘅打仗理由亦唔一定合乎道德。

詞語嘅使用[編輯]

Casus belli係拉丁文,但係要到咗十七世紀後先多人用,主要原因係主張正義仗先至係道德興起(正義仗論,相對有利益無道德嘅現實主義,同埋永遠唔主動打扙嘅和平主義

聯合國[編輯]

聯合國憲章大大限制會員國可以用嘅打仗理由嘅範圍,主要指防止侵略同埋聯合國行動。另外,聯合國亦保留權力向非會員國嘅侵略行為作出制裁同干預,因此,打仗理由喺現代社會係好重要。

流行文化[編輯]

喺電腦遊戲 Europa Universalis 同埋佢嘅續集,喺無指定打仗理由下開戰會令社會穩定度下降,導致國家容易動亂同稅收減少。呢個特徵喺其他電腦遊戲唔常見,例如三國志 (打機)唔使講就可以開拖,就算要正式宣戰嘅電腦遊戲,正式宣戰嘅代價都好細。

參攷[編輯]

  1. http://plato.stanford.edu/entries/war/