抺香鯨

[編輯] 社會結構

長期穩定嘅雌鯨群構成抹香鯨社會嘅核心單位，此類小群可達12頭成年雌鯨，並伴隨其雌性與年輕雄性後代。雄鯨約4至6歲大、最遲喺21歲過後會脫離出生家族獨自行動，年輕雄鯨常組成所謂嘅「單身漢族群」（bachelor schools），參與者嘅體型與年齡多半相近，但個體間嘅聯繫唔及上述嘅雌鯨群般緊密，且會隨著年齡增長而更加鬆散。身長達12至17公尺嘅年老雄鯨多半獨自喺大洋中悠游，極少發現持續達1日以上嘅交流情形。整群嘅抹香鯨有時會喺沙灘上擱淺。

[編輯] 社交行為

由於成年雄鯨嘅頭部常會有嚴重嘅傷痕分佈，有時會見到斷折嘅牙齒甚至是下顎，科學家認為個體間可能有激烈嘅爭鬥行為。唔同嘅雌鯨群彼此遭遇時，似乎有藉著聲音來溝通連絡嘅情形。

[編輯] 走佬同還手

小說或電影裏成日將抹香鯨講到好鬼惡、會撞船嘅怪獸，但事實上抹香鯨一遇危險時，多數會選擇走佬。當抹香鯨意識到危機時，個頭會先探出水面浮窺，並慢慢咁轉個身去睇清楚上面咩環境，一但知道有危險（例如殺人鯨殺到嚟），佢哋會好快地加速游走或潛到好深，鯨群中只要有一條走佬其他嘅都會跟著咁做。抹香鯨嘅泳速平均約為2至3節（1節相當於時速1.852公里），游走果陣速度可能達7節，捕鯨時期就曾經有抹香鯨被追殺，而以12節嘅泳速狂奔嘅記錄。

有時候抹香鯨都會選擇還手，文獻上都有講捕鯨船被抹香鯨撞甚至撞爛嘅記錄。抹香鯨咁大個鐵頭同咁有力嘅尾有好勁嘅破壞力，被佢撞過嘅船緊有船壁被撞毀或被鯨尾掀翻嘅情況，以前亦都試過有捕鯨艇仔被發嬲嘅抹香鯨咬斷。

[編輯] 生殖

由於抹香鯨嘅生長速度好慢，以及對後代長期咁照顧，因此牠們喺被大量捕殺之後需要極耐時間先有可能恢復原有嘅族群數量。雌鯨大約9歲大後先性成熟，每4至6年先生一胎，較老嘅雌鯨生殖可能隔好耐。懷孕期至少喺1年以上，可能長達18個月。雌鯨哺乳期至少2年，有時更長；曾喺一頭13歲大嘅雄鯨同7歲雌鯨嘅胃中發現鯨乳。

繁殖地一般喺南、北緯40度之間嘅熱帶同亞熱帶海域，雖然有部分交配行為喺冬季至夏季發生，但大多數響春季：喺北半球，交配期可能由1月一直到7月，而以3月同5月為最高峰；南半球嘅抹香鯨交配期8月同12月之間，主要集中喺10月。

[編輯] 護衛同抗敵

抹香鯨同部分鬚鯨一樣會有所謂護衛行為，喺一條雌鯨小群附近幾公里處有時會發現有1至2條成年雄鯨跟隨，可能喺前方、側面或者後方（但情況好少）。原因可能同爭取交配機會有關，但係當雌鯨群遭遇危險時嘅確有提供保護嘅作用。

當雌鯨群面對殺人鯨威脅時，可能會擺出所謂嘅「車輪」圓陣，亦即成鯨圍成一個大圓，幼鯨被集中於圓心處保護，整體看來形似馬車車輪咁樣。除咗一般人容易想像果種以頭朝向外敵嘅情況外，尾部朝外嘅陣型亦曾有發現記錄。

[編輯] 食啲乜

大王烏賊嘅吸盤喺抹香鯨皮膚上留下嘅痕跡

一般認為抹香鯨主要響海底或者附近區域搵食，以唔同品種嘅槍烏賊（squid）嚟食。雌鯨主要捕食重量喺 0.1 至 10 公斤左右嘅槍烏賊，但都包括一啲更大隻嘅獵物，例如好出名嘅大王烏賊（giant squid，或者叫巨槍鰂）等；雄鯨亦都會食槍烏賊，唔過都係鍾意有大食，例如大王烏賊咁。曾經喺一條抹香鯨嘅胃度搵到一條幾完整，長12公尺、重達 200 公斤嘅大王烏賊。喺抹香鯨嘅嘴邊同身上有時會見到類似被抓傷嘅刮痕同圓形嘅吸盤印痕，可能就係同依類大型獵物打交時，由槍烏賊觸鬚所造成嘅傷痕，曾有發現直徑達十厘米嘅吸盤印痕嘅記錄。另外抹香鯨亦都會食八爪魚、烏賊、魔鬼魚、鯊魚，同埋其他硬骨魚，唔過佔食物嘅比例唔高。食嘢時佢哋會吞埋石頭、海綿、海鞘等依啲非食物物體。有好清晰覓食時期，同其他鯨魚唔同。抹香鯨成年都會搵食，估計每日要消耗相當於體重3%至3.5%重量嘅食物。

[編輯] 聽覺同發聲

抹香鯨嘅聽覺相當靈敏，聽講捕鯨時期捕鯨者必須盡可能咁保持安靜，先至可以接近喺海面上休息嘅抹香鯨，即使係船槳敲擊小船所造成嘅音量都可能會嚇親佢哋。抹香鯨成日叫嘅聲音係一連串滴答聲（click），喺唔同狀況下記錄到嘅頻率都會唔同。科學家認為咁可能同回音定位（echolocation）同其他個體嘅溝通有關。除咗以回音定位來搵獵物外，會有人認為佢哋會用聚焦嘅超音波來震暈獵物，唔過依點暫時重未有證據。

[編輯] 抹香鯨同人類

響捕鯨時期，抹香鯨係非常重要嘅獵物，一方面係因為佢哋有品質好好鯨油同鯨腦油，另一方面因為當時嘅船主要係帆船，追唔到大條嘅鬚鯨，所以游速較慢而死後會浮響水面嘅抹香鯨同露脊鯨就成為捕鯨者嘅頭號獵物。

[編輯] 鯨腦油

鯨腦油（spermaceti）又叫做鯨臘，係一種白色嘅臘狀物質，其名稱嚟自拉丁文sperma與ceti，意思分別係「精子、精液」同「鯨」」，當初發現時被人誤以為係抹香鯨嘅精液。鯨腦油主要成分係十六酸鯨臘醇酯（分子式 C15H31COOC16H33），熔點攝氏 42 至 50 度，不過鯨腦油嘅實際熔點接近或略高過抹香鯨嘅體溫。

鯨腦油儲存於抹香鯨頭部稱為「抹香鯨腦油器」（spermaceti organ）嘅腔室中，一條抹香鯨頭部可能含有 1,000 公升以上嘅鯨腦油。依個器官同鯨腦油嘅功能目前都無確實嘅答案，一般認為抹香鯨會藉著增加局部血流量或者吸入冰冷海水嘅方式，畀鯨腦油融解或凝固而改變比重，作為深潛同上浮時嘅浮力調節器。另外有種講法係腦油器官可能有類似透鏡聚焦嘅功能，同抹香鯨發射超音波有關。

自人類開始捕捉抹香鯨以來，鯨腦油就被視為重要商品，最初供作蠟燭，後來主要用於製造潤滑油。

[編輯] 虛幻物：龍涎香

龍涎香（Ambergris）係一種偶然會響抹香鯨腸道裡形成嘅臘狀物質，主要用於香水固定劑。個名源自古法語ambre gris，意思係「灰色琥珀」，同佢相對嘅係ambre jaune，「黃琥珀」，也就是真正嘅琥珀（amber）。大多數龍涎香都係喺抹香鯨嘅大腸中發現，但亦曾喺小腸中找到小碎塊，推測它最初應該係喺小腸中形成。體內有龍涎香嘅抹香鯨比例約僅1%至1.5%，一般認為它係槍烏賊嘴喙喺腸道消化後剩餘嘅殘渣，但確實嘅形成原因目前仍未清楚。

龍涎香嘅外觀呈暗褐色，內部則為淺黃至灰色，重量由0.1至10公斤唔等，已知最大嘅龍涎香是喺1953年12月21日，由一頭喺南半球捕殺嘅14.9公尺長嘅雄抹香鯨體內取得，重達420公斤。龍涎香嘅比重約0.73至0.95，因此被抹香鯨排出體外後會浮喺海面上，偶然情況下會如傳聞般被海浪沖上沙灘，但係目前有留下記錄嘅龍涎香絕大多數都是商業捕鯨時代由抹香鯨體內取得嘅。

分析一下龍涎香嘅化學成份。其中約25%至45%係一種稱為龍涎香醇（ambrein，分子式C23H39OH）嘅物質，它造就咗龍涎香嘅特殊性質。新鮮嘅龍涎香因為沾有抹香鯨嘅屎而有刺激性嘅臭味，但待其成熟後會產生類似麝香嘅香味。

龍涎香早喺9世紀時嘅伊斯蘭世界就成為貴重嘅商品，用嚟做香薰、催情劑、香料同特殊藥材等，當時龍涎香被視為一種神祕嘅物質。響1574年，一位法蘭德斯嘅植物學者Carolus Clusius首度提出龍涎香係抺香鯨消化道殘餘物嘅理論，此學說要等到1712年美國開始大量捕捉抹香鯨之後先普遍被人接受。到咗20世紀時，可取代龍涎香嘅化學合成物質先至問世。